Hoose 3:1 - NQAARIIT NE ROOG

¹ O Yaal oxe a layaxam ee: «Retahini, o bugir fo o tew oxeene jegna xa pes too a seeqaa. Bugteen ne bugtuuma Ii-isra’el we, mi o Yaal oxe, ke da ngeleerooxaa farna fo roog lakas ke fop oo, a mbex o ƥoxotaa a den xa kaf xa tim biiñ.»

Hoose 3:1 Referans Kwoze

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Mise 7:7

Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

1 Piyeer 4:3

Nu miña o ñoowtaa ne gimaƭaru we a mbugtuuna. Yaaga, kaa nu ñaaƴoogu kam caasaay ne fo a yuxum ake, yeraa a yer a maamu, ñaamaa kupu, ndetaa na xa yerand axe fo na xa cuurand pangool axe.

Sakari 1:16

Ten taxu mi o Yaal oxe kaam ee: Mexey nomtooxiidaa Yeerusaleem fa yirmande. Xan Mbind es a maxel teen, soo o ƥaak o liiƥir ole a letnel took Yeerusaleem, ta maxatinel. Mi o Yaal oxe Hupna fop layun.»

Yeremi 3:20

Kaa koy, ne o tew oxe a hodtaa o kor um, neene nu ngodtaxam, nuun mbind Isra’el. Mi o Yaal oxe layun.

A kim a tedu ke 123:2

Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

1 Korint 10:21

Nu mbaagee o mbog fo o Yaal oxe o kaas, soo mbogin fo cini ke. Kaam ee nu mbaagee o ndeer fo o Yaal oxe, soo ndeer fo cini ke.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

Amos 2:8

Mbaambir o sadaxand oluu refna pay tayle’te soom a ƭaapaa, a yertaa biiñ fee da suqtitna no we saqanna a den o lad me da njuurooraa.

Nehemi 9:31

Kaa koy, kam yirmande fa maak fee wo, moocandiro a den too waasiro a den, yaam Roog fa yaaju kam refo too may yirmande.

2 Maad we 13:23

Kaa koy, o Yaal oxe a yirma a den soo a waasan a den yaam ngiɓoor ne ta dalin’ina fa Abraham fa Isaak fa Yakoob. Bug’ee o moocand a den, too boo xaye deɓee a den maa goƭuuna.

2 Sami’el 6:19

A lasa xeet faa fop, faan laa no Ii-isra’el waa, goor fo rew, oxuu refna o gaf fo o ɗeg a tegeƴ o juɗe fo o gaf olaa fi’teena xa tim biiñ. Cinj kaaga, xeet faa fop a nqaada, oxuu refna no mbind um.

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

Haahate we 9:27

A ndeta na koƥ alaa, a ƥoor a ƭing taxar biiñ ake den, a nir xa biiñ axe soo a ndef no mbumbaay. A ndoka no juurand ole roog den, a ñaamaa, a yeraa soo a ndef no salooxaa a Abimelek.

A sutax ale 32:6

No feet olaa, a inooxa nqes teel, a ndef no ƥoxotaa sadax toxel fo sadax camsa’oor. Xeet faa a ndalfooxa o mbokatoor, a ñaamaa, a yeraa soo a ndef na fa ŋas.

1 Korint 10:7

Ba nu ngeleeroox farna fo ke refeerna Roog nen leng-leng na den, ne ta bindteena yee: «Xeet faa a ndalfooxa o mbokatoor, a ñaamaa, a yeraa, soo a ndef na fa ŋas.»

Mace 26:50

Yeesu a layaan ee: «Xaariit es, ke ɓisiidoonga, fi’een!» Wiin waa ta yoonit’ina a matiida, soo a ndam a Yeesu.

Hoose 7:5

No ndoofeen ne no maad oxe in, kelfa ke kaa njiraa yaam a sumaan ale na biiñ fee, o maad oxe a fi’in boo a cooxaa xaaxaadnax we o ɓay.

Hoose 4:11

Njaga ne fa biiñ fee kaa ngulmandaa.

1 Caloori ke 16:3

A lasa Ii-isra’el we fop, goor fo rew, oxuu refna o ɗeg mbuuru fo o ɗeg a tegeƴ o juɗe fo o gaf olaa fi’teena xa tim biiñ.

A kim ale na kim ake 2:5

Saƭakintaamoo xa kaf xa tim biiñ, ƭeettiidaamoo xa tim, yaam mbug ne kaa jiraam!

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.