Hoose 2:9 - NQAARIIT NE ROOG

⁹ Xan a daab xa pes um, ndaa daawkee a den. Xan a waaƭ a den, ndaa ga’kee a den. Cinj kaaga, xan a lay ee: ‹Xam nomtoox maa no kor o eetaand es, yaam yaaga moƴ’um o ɗaay ee ndiiki.›

Hoose 2:9 Referans Kwoze

Malaki 3:18

Maaga, xan nu nga’ahin njektir ne refna ndeer o cofu xe fo o soxodu xe, nga itam an dagooxu a Roog fo an dagooxeerun.

Malaki 1:4

Boo Ee-edoom we a layna yee: «Kaa i nduguñel, ndaa xan i inatin ke yenna fop», o Yaal oxe Hupna fop xan a doon teen ee: «Fat da max, um jiƭtin, too xan saax den a xoyeel ‹saax le no kañaan ne›, soo den fa qoox den o mat, da nqoyeel ‹xeet fee o Yaal oxe a fuuxanna boo kili›.»

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Sofoni 1:13

Kalal ke den xan a njaɓel pind den a ngefel. A maxangaa pind sax oo, ngenkee a den, too a njimbangaa a ƭing taxar biiñ, yerkee biiñ fee.»

Yowel 2:14

Xeƈa xan o Yaal oxe Roog nuun a supit a qalaat soo a barke duufe le nuun. Maaga, xan nu mbaagahinin o ƥisiid sadax tuufe-duufe fa sadax biiñ.

Hoose 9:2

Ten taxu ke na hataa no cukand ne fo no nirir ole ñoowinkatee a nuun, too biiñ fa nqas fee refkatee muud nuun.

Hoose 8:7

Feek nqeñ a nduufu, a und a saxadkaa. Bele fa njegee xa yaƥ watkee mbiɗel, too lanq ke a mbatangaa tig sax oo, wiin jan na muudoorkan.

Dañel 11:13

O maad oxe no ɓemb-roog o janoon xan a fokatahin a yaj alaa moƴna o magin a eetaand ale. A cinj xa kiid xa leng-leng, xan a yoontiid xiixire mayu waa ƥonooxna tigi.

Heseki’el 23:26

Xan a mbolong ƭuc, a mbatin kelax mosandoor ke wo.

Heseki’el 16:39

Xam ɓoxotong na xa ƥay den. Xan a mbayit mbind njaga’ir ne wo, a yaq taalaand ke wo. Xan a mbolong ƭuc, a njang kelax ke wo soo a nqaƴong o ƥor, o yoq ƭuc.

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.