Hoose 2:8 - NQAARIIT NE ROOG

⁸ Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Hoose 2:8 Referans Kwoze

Esayi 1:3

Nqoox a anda o yaal um, too o faam a anda me o yaal um a yipanan ñaamel, ndaa Isra’el o mat andee dara, xeet es njegee yiif.»

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

Hoose 4:11

Njaga ne fa biiñ fee kaa ngulmandaa.

O leetar ole Pool a bindna GIMU WE NGENNA ROM 1:28

Ne da mbañna yee o and a Roog, tig cegu o njiriiñ oo, a taxa Roog a riñ a den no saƭik xoox, ndax da mbi’aa o njombe,

YEGIL MBAAX NE YEESU ne Lik a bindtuuna 15:13

A cinj ñaal leng-leng, o ndeɓ onqe a sofa ke ta jegna fop fa xaaliis, soo a ret fo ten no saax goƭu. Maaga, a ñoowooga no kaa feluuna, a yaq ke ta lam’ina fop.

Habakuk 1:16

Kaa ƥoxotaa paal ke den sadax, a ndoxanaa panguuñ ke den cuuraay, yaam na pexey den mbaƥ den a rooftu, soo ñaamel den a naang gañ.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Dañel 5:23

Kaa o inooxan o Yaal oxe refna na asamaan boo simit o ɓisaniidel a tokol a tedu ke inoorna no Mbind um, nu yertaa a den biiñ, wo fo wiin maak we wo fo rew we wo fo keƈ-a-salma ke wo, doon teen simataa roog ke mbi’teena xaaliis, wurus, xanjar, njelem, a teex fo a ƥil, roog puulu keene naangeerna o nanaa too andee tus, soo fañ o ɓoxot o ndam a Roog fee saqna o ñis of, a gayaa a pi of fop.

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Esayi 46:6

A jega waa na mbaltaa nafa den, a eedaa xaaliis fee fa wurus fee, a ndabid o qaaxaw ndax ta xawan a den a roog faa da mbugko mbaɗooxaa, a ngungaa mbaambir um.

Haahate we 9:27

A ndeta na koƥ alaa, a ƥoor a ƭing taxar biiñ ake den, a nir xa biiñ axe soo a ndef no mbumbaay. A ndoka no juurand ole roog den, a ñaamaa, a yeraa soo a ndef no salooxaa a Abimelek.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

A cangatin ale 8:18

Fat nu mbetandoox ee o Yaal oxe Roog nuun na ci’aa a nuun doole faa nu njegitna halal feene, ndax ta saƭkand ngiɓoor ne ta daaɓooxna fo daan nuun, ne ta fi’tan boo xaye.

Heseki’el 23:41

Moofaa no njong mosu naa a taabul a sipeena mbaambir um, soo diƈ ten cuuraay fee mi fa diwliin fee mi.

Dañel 3:1

O maad Nebukadnesaar a simta nitaal wurus naa geel um a fi’na xa noonoong qarɓeen ɓetuu fa leng, soo o yaajel um a fi xa noonoong ɓetuu fa leng, a sipin na xa saawit axe Duura no jegel olaa Babilon.

Hoose 13:1

A mbanuu a carind ale Efrayim a lay’ina, a carind a lakas ake fop a ndiid. O ten doon’u o ɓay kam Isra’el, ndaa a qica hate took um boo a yen, yaam a faɗooxaa a Baal.

1 Caloori ke 29:16

O Yaal oxe Roog in, paax kene fop i njangandna ndax i maxantin gon of tedu Mbind no ɓay of a hatu. Fop wo jegun.

Ke bindeena no xe ne’eena YOB 19:8

Kaa weg a qal es boo waagatiim o suur, o ƭat es, ta niɓaannin taruus.