Hoose 2:7 - NQAARIIT NE ROOG

⁷ Ya den kaa jaga’aa, oxe fudna a den kaa fi’aa cednooxu. Kaa layaa yee: ‹Xam reefan xa pes es axe na cooxaxam ñaamel es fo yerel es, fale es fa gaare es, diwliin es fa biiñ es.›

Hoose 2:7 Referans Kwoze

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Heseki’el 23:4

Taaw fee Ohola a ne’e, o ndeɓ um a ne’el Oholiba. Mi jeg’u a den. A ndima xa ƥiy xa koor fo xa tew. Ohola refu Samari, soo Oholiba a ref Yeerusaleem.

Yeremi 14:22

A ndeer pangool ke no qeet ke, ndax a jega na den faa na deɓaa? Ndax asamaan fee na cooxtaa a teƥ-eel ake? Ndax refee wo, o Yaal oxe Roog in? Na wo i yaakaaru, yaam wo na fi’aa keene fop.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 5:15

Xam naag col, ret, nomtoox no ngenand es, boo yaa da njaɓkaa yee den tooñu soo a mbaaƭaxam. Kam naqad fee xan a ƈufginooxaxam ee:

Dañel 5:21

A raxte ndeer no wiin we, a saqat sagu muumeen, a genik fo xa paam-a-koƥ axe, a ñoowtataa daaƭ nen qoox ke, soo liim le a yenaa took um, boo neen a andu yee Roog fee Took-ee-took kelfa’u maat ke no wiin we soo a ci’an oxuu feluuna.

Dañel 4:32

Wiin we na adna fee fop ndefee tus mbaambir um. Kaa fesooraa fo xuu refna ne feltuuna, ta ref no malaaka ke mbaat no wiin we, too o leng waagee o xox katil um, mbaat ta soqin no ke ta fi’aa.

Dañel 4:25

Keene fop yegnit’eena a dala took o maad Nebukadnesaar.

Dañel 4:17

Ndaxar ne ga’oona, too o jul ole ten a duqaa asamaan fee, boo muu fodoona na adna fee, o ga’an,

Heseki’el 23:22

Ten taxu, wo Oholiba, keeke o Yaal oxe na refkaa boo faw a layu: Ga’angi, xam fi boo xa pes axe wo mbat’oonga xus a yen took of, um ɓistiid a den muu refna took of.

Heseki’el 20:32

Ke nu mboogna jegkee muk, yaa nu layaa yee: ‹Kaa i mbug o nand fo qeet ke fo a qaw ake na saax a lakas ake. Kaa i mbug o mbaɗooxaa a teex fo a ƥil.›

Heseki’el 16:18

Jangaa ñirax kemeñe ke wo, ndax o muurit a den nitaal keene, sadax a den diwliin es fa cuuraay es.

Heseki’el 16:8

Reefaam paam of, too ga’aam ee fadaa o doloox. Maaga, ñiraaxoong sabadoor ne mi, ndax um muur cer ƥor of. Daaɓooxaam fa wo, hiɓoor fa wo, soo o refanaam. Mi o Yaal oxe na refkaa boo faw layun.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

Yeremi 2:36

Xar o ñofandooxanaa boo suptaa a ƭat of? Xan Misira a sednoorong ne Asuur a sednoorit’oonga.

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Esayi 30:16

Kaa nu lay ee: ‹Ha’aa, xan i ŋaay pis, ƈufin ndet!› Ten taxu xan nu ŋaay pis, ƈufin ndet, ndax nu ngod o joor. Kaa nu layaa yee: ‹Kaa i mbug o ŋaay pis ƈuuƴuf say.› Ten taxu raarax nuun xan a ndef ƴuuƴuf say.

A kim a tedu ke 116:7

O laaw es, dalatini, yaam o Yaal oxe a fi’anaang paax.

Yeremi 3:1

O Yaal oxe kaa tee: «A soƥangaa yee o koor kaa rax o teem, boo oxeene a sambir fo ten soo a refat o tew no lakas, ndax a waagaan o xotatin nen o teem? Ndax keene xoolaƭarandkee saax leene tigi? Wo Isra’el koy, jaga’aa fo xa pes xa mayu, soo o bug o nomtooxiid me mi! Mi o Yaal oxe layun.

Hoose 2:16

Ten taxu xam naxin, ɓisin na koƥ-a-ƥor alaa soo lay fo ten na yelem.

2 Caloori ke 28:23

Ye Aa-araam we a nqawna a Ahas, a ɓoxota sadax roog ke Damaas yaam a lay ee: «Feek roog ke no maad we Araam kaa ƈufgiid maad den, xam ɓoxot a den sadax ndax da ƈufgiidaam!» Kaa koy, kaaga a ora no ten njom, a orin na Isra’el fop.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Heseki’el 23:12

A yuxum a ndamaan no Aa-asuur we, gofornoor fo kelfa, gentand we ten, ndokooxna boo njegee sik, ŋaaŋaay waa ŋaayna pis, fop a ndef xa pes soo a yaawnoox.

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»