Hoose 2:23 - NQAARIIT NE ROOG

²³ A koom xam jaaɓ a asamaan fee, asamaan fee a jaaɓ lanq ke,

Hoose 2:23 Referans Kwoze

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

O leetar ole Pool a bindna GIMU WE NGENNA ROM 3:29

Ndi boog Roog o mat, Yaawuur we soom a refanu? Ndax kaa refee itam Roog fee no we ndefeerna Yaawuur? Aha kañ!

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

A kim a tedu ke 22:27

We neewandooxna xan a ñaam boo a ngiñ, we na mbaaƭaa o Yaal oxe xan a simatin. «Yaasam nu ñoowaa boo kili!»

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Yeremi 31:27

O Yaal oxe kaa tee: «Ñaal key a ngaraa kaa um mayƭandkaa kam maat ne Isra’el fo ne Yudaa wiin fo cegel, ne o qol a mayƭandteel fo ax.

Yeremi 32:38

Maaga, xan a ndef xeet es, soo um ref Roog den.

A kim a tedu ke 68:31

Xasani a Misira, muumeen fee no xeet le, xasan qeet ke, o siir ole no qoox ke yoonna fo xa qeel, ndax da ngung mbaambir of fo xa monjong xaaliis. Pasari qeet ke mbexna xire.

Yeremi 16:19

O Yaal oxe, wo refu doole es, o saasaytax es fo njaɓnooxand es yaa fa naqad. Me wo qeet ke no cat adna a ngarkaa too xan a lay ee: «Daan we in caaxaan a lamu, xa koɓong axaa ƭaxeerna dara.

A kim a tedu ke 118:28

Wo refu Roog es, too kaam gidmang, Roog es, mexe niwang.

Sakari 14:16

We yoqna no we songiid’ina a Yeerusaleem xan a ngaraa teen o hiid oo hiid, a mbaɗooxiid o Yaal oxe Hupna fop na bugko maadooxaa Yeerusaleem, a ndoofandaa Xew fee no ƭiif ke.

Sakari 14:9

A koom, o Yaal oxe xan a maadoox took lanq ke fop. Ten soom na bugko faɗooxeel, gon um doŋ a ƴufginooreel.

A kim a tedu ke 72:16

Xan bele a naag gañ no saax le, boo na xa cul axe na xa coong axe, xa yaƥ axe a yaandooxaa nen taxar ke Libaŋ, soo teeru ke a sux fo wiin, nen daaƭ xuƥu sap le no lanq ke.

Sakari 10:9

Pasaraam a den a ndeer qeet ke, ndaa xan a mbetandoortaam na saax a koƭu keene, a ñoowaa, den fo xa ƥiy den, too xan a nomtooxiid.

A kim ale na kim ake 2:16

Mi jegu oxe buguuma bug, soo ta jegaam, ten fee na gayaa ged um ndeer kaaf-a-tooq ke.

Hoose 8:2

Owe mbalalooxaxam ee: ‹Roog in, i andaang, in Ii-isra’el we.›

Esayi 44:5

Oxene xan a lay ee: ‹O Yaal oxe jegaxam›, oxaana a xoyooxaa gon le Yakoob, o lakas oxaana a bind no ɓay um ee: ‹O Yaal oxe refanum›, soo a fakooraa gon le Isra’el.»

Saak 1:1

Mi Saak, o paɗ Roog fo o paɗ no Yaal oxe Yeesu Kiristaa refum. Mexe simnaa a nuun, nuun ƥasil ne Roog pictooxna kam adna fee fop.

Yeremi 30:22

Xan nu ndef xeet es, soo um ref Roog nuun.»

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Heseki’el 36:29

Xam mucil a nuun no nqoolaƭar nuun fop. Xam xoy bele fee soo mayƭandin gañ. Ɓisiidkatiim a nuun biim le.