Hoose 2:21 - NQAARIIT NE ROOG

²¹ Xam bugir fa wo, o refanaam boo kili, kaam ee xam bugir fa wo no cofel fo na ƭat, no damax fo no mbeq.

Hoose 2:21 Referans Kwoze

Sakari 8:12

Xam duuf jam fee. Ndaxar biiñ ne xan a cooxit xa tim um, lanq ke a cooxit ke da mbatna, soo asamaan a cooxit a teƥ um. Xam lamnoor yoqatin we na xeet fene paax keene fop.

Mace 6:33

Eetyo mbaaƭ Maat ne Roog fo ke ta bugna, too keene fop, xan nu ndoonanel o ten.

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

Esayi 65:24

Boo da ngelko fo nqoyaxam sax, mi, xam jaaɓ a den, too boo da ngelko fo muukaa a qeƭ den, a soƥa jaɓaanum yaaga.

Esayi 55:10

Ne a teƥ ale fo a kalam a ƥuuɓu ke a mbudoortaa na asamaan too nomtooxkee teen a refangeerna kaa nquƥand lanq ke bo dee sap, a ndos a den soo a saxin tuufe-duufe ke, a coox o tuuduuf oxe ax soo oxe na ñaamaa ta ci’in ñoowir,

Sakari 13:9

Aleene seek koy, xam ɓekin na fiɗel, jawtin ne xaaliis a jawteel, xoolandin ne wurus a xoolandteel. A koom, xan a ƈufginoor gon es, um jaaɓ a den, lay a den ee: ‹Nuun ndefu xeet es!› Xan a ndoonaam ee: ‹Wo o Yaal oxe, wo refu Roog in.› »

Heseki’el 36:29

Xam mucil a nuun no nqoolaƭar nuun fop. Xam xoy bele fee soo mayƭandin gañ. Ɓisiidkatiim a nuun biim le.

Hoose 14:7

A naaq ake ten xan a naang lawlaw, ta mosit nen ndaxar oliiw, a xeeñaa nen suungaan le Libaŋ.

Yowel 2:19

Maaga, a jaaɓa xeet um ee: «Xam ci’ahin a nuun bele fa biiñ fa diwliin, bo ta dey sik! Ɓoxotkatiim a nuun no fo nqaadnax ne, qeet lakas ke a nqaadnooxaa a nuun.

Malaki 3:10

Naangyo ƥisiidaa a seek xarɓaxayandeer a teyu sik no Mbind es, ndax ñaamel a jegaa teen kili. Ƭeetloorangaamoo neene, mi o Yaal oxe Hupna fop, boo nga, ndax suqtankiim a nuun pand ke na asamaan soo mayƭand a nuun fo paax ƥor.

Malaki 3:11

Mi o Yaal oxe Hupna fop, kaam ee: Xam xañtan a nuun tooroog ke da yaq duufe nuun mbaat da yaqan a ƭing taxar biiñ ake nuun da ndim.

Esayi 62:4

Xoykataandee «o baase xe», too saax of ne’kataand «o qatu xe». Ndaa kañ xan o xoyeel «oxe um xonwanaa», soo lanq of a ne’el «o yaal a tolax a pelu», yaam no ndigil, xan o ref oxe o Yaal oxe a bugna, soo lanq of a ndoloox.

Esayi 62:5

Iyo, ne o fes a gilgitaa o njaaƈ o ndoog, neene mboƥ ne wo a njegitkang. Ne o kulook a ɗaaynoortaa o kor um itam, neene o refitkaa o ɗaay no Yaal oxe.

Sakari 8:8

Xam nomtiid a den, too xan a ngen kam Yeerusaleem. Xan a ndef xeet es, soo um ref Roog den, no ngor fo no cofel. Mi o Yaal oxe Hupna fop layun.»