Hoose 2:19 - NQAARIIT NE ROOG

¹⁹ Xam ñuf no don um a kon ake Baaliin. A kon den ne’kataand sax.

Hoose 2:19 Referans Kwoze

2 Korint 11:2

Yaam kaam naal a nuun, too naal neene na Roog a inooru. Kaam ceemreemaa a nuun, nu mbog o kor o leng kut, ta ref Kiristaa. Kaam bug o ɓoxot a nuun o ten nen o toog o qoolu.

Mbeeñil 21:2

Ga’aam teeru fa tedu fee refna Yeerusaleem fa nqas fee Roog a fudnitiidna na asamaan. Kaa jagandoox nen o toog oxaa bugeena o ɓoxot o kor um.

Esayi 54:14

Xan o saƭkandtel o cofel, laqel ñagadil nuu refna, too jegkatiro dara kaa o saɗaraa. Kaa na diidlandaa faambnooxkatirang, matkatirang a mat sax.

A kim a tedu ke 85:10

A woora yee a muc um oxe paam no we saɗaruuna, too xan o ndam onqe a gen no saax in.

O leetar ole Pool a bindna GIMU WE NGENNA ROM 7:4

Neene o mat a reftu na nuun itam, nuun fog we. Nu ƭegoora o kay fo kebil ke, yaam kaa nu mbog no cer ke Kiristaa fee xonna yaam in. Ten taxu, nu ndefanat o lakas, ta ref oxe xontooxna a ndeer no xon we, ndax i sakan a Roog xa tim xa paax.

YEGIL MBAAX NE YEESU ne Saŋ a bindtuuna 3:29

O kor-no-kulook oxe jegu o kulook oxe, ndaa xaariit fee ten na diikooxan soo a geenoox, a naaga o jegaa o ɗaay o maak, yaa ta nanna o ñuxur um. Neene koy, o ɗaay ole mi a nandu, too ten taxu ta may boo a ɓaxoox.

Heseki’el 39:29

Ɗasinkatiim a den mukit es, yaam ne ɓaxuuma Yiif es took mbind Isra’el. Mi o Yaal oxe na refkaa boo faw layun.»

Esayi 1:27

Xan a ƭat es a wat a Siyoŋ, soo we ngenna teen a mbattel o cofel es.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.

Yeremi 4:2

daaɓoortaa o Yaal oxe na ñoowaa fo ndigil fo a ƭat fo o cofel, maaga qeet lakas ke sax na wo a mbarke’itkeel soo a mbakoortaxam.»

Esayi 54:6

O Yaal oxe kaa xoyatinong nen o tew oxaa waas’eena soo a jimboox na naqad.» Roog of kaa tee: «Nam o tew oxe jileena no ndeƥandoong naa a waage o waasit?›

Heseki’el 16:8

Reefaam paam of, too ga’aam ee fadaa o doloox. Maaga, ñiraaxoong sabadoor ne mi, ndax um muur cer ƥor of. Daaɓooxaam fa wo, hiɓoor fa wo, soo o refanaam. Mi o Yaal oxe na refkaa boo faw layun.

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.