Hoose 2:18 - NQAARIIT NE ROOG

¹⁸ «A koom, xan a xoyaam ee: ‹O kor es›, too xoykatiraam ee: ‹Baal fee mi.› Mi o Yaal oxe layun.

Hoose 2:18 Referans Kwoze

Heseki’el 34:25

Xam dalin fa den ngiɓoor jam too xam ñuf no saax le ƥaaɓaan ke. Xan a ngen no woor kam a koƥ-a-ƥor ale, soo a ƭaanaa a ndeer a suungaan ake.

Yeremi 23:6

Na jamaane um, xan Yudaa a muclel, Isra’el a gen no woor. Kene refu gon le ta ne’keel: ‹O Yaal oxe refu o cofel in.› »

Esayi 2:4

Xan a ref o ƭeeɗeg hate ndeer a saax ake, a ref o qaaxaf no qeet mayu. Xan a nqawin no laƥ ke den xa koŋko soo na salma ke den, da njalin teen xa taaba. Saax leng inooxankatee saax gend um, too xire aqatooxkataand.

A kim a tedu ke 46:9

Ngaryo nga a pi ake no Yaal oxe, com’andtu ke ta fi’aa took lanq ke.

Esayi 65:25

A teeteem ale fo o mbaal onqe xan a yoon a suufaa, njogoy ne a ñaamataa boob nen nqoox, soo fangool fee a ñoowtataa fo ut ole. Paaxeer mbaat yaq fa leng fi’kataand took o joong o tedu le mi boo ta xet.» Keene o Yaal oxe a layu.

Ke bindeena no xe ne’eena YOB 5:23

yaam xan o hiɓoor fo a ƥil ake na xa qol axe soo reer jam fo ƥaaɓaan ke no lanq ke.

Sakari 14:9

A koom, o Yaal oxe xan a maadoox took lanq ke fop. Ten soom na bugko faɗooxeel, gon um doŋ a ƴufginooreel.

Sakari 14:4

A koom, xan a dak a caf um took o joong ole no taxar Oliiw ke jasnoorna fa Yeerusaleem te no batand, too o joong ole no taxar Oliiw kaa xan a qaacoox a ndeer, a xotit no batand boo a sip no mudand, a refat a yulanq a maak, soo a seek a leng ale a riƈatoox te no ɓemb-roog o janoon, a seek a lakas ale te no ɓemb-roog o ñamaak.

Sakari 3:10

A koom, xan nu nqurraa ɗuga ndaxar biiñ ne fo ɗuga ndun ne. Mi o Yaal oxe Hupna fop layun.»

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Yeremi 33:16

No ñaal kaaga, xan Yudaa a muclel, Yeerusaleem a gen no woor. Kene refu gon le teeru fee a ne’keel: ‹O Yaal oxe refu o cofel in.› »

Yeremi 30:10

O Yaal oxe kaa tee: «Wo Yakoob fee o tag es, ba o saɗar, ba o firiɓ, wo Isra’el, yaam mexey muclitang no lanq koƭu, muclit xa taan of no saax le da ƥiseena took o hup doole. Xan Yakoob a nomtooxiid, a ñoowaa na jam fo o yaadax, too o leng jom’andkatiran.

Esayi 26:1

A koom xan a kim aleeke a gimel kam saax le Yudaa: «I njega teeru fa saƭku koŋ. O Yaal oxe a sipana a in a muc ale, ta ref tabax fo saŋe mbooru in.

Esayi 2:17

O kiin oxe magnandooxna xan a lupandoox, soo o kiin o maak oxe a neewandel. Na bes faaga, o Yaal oxe soom na andkeel nen oxaa yoɗooxna,

Esayi 2:11

O kiin oxe na ɗeettaa nga’yaamoo xan a lupandoox, o ka’atinooxu xe a yoornoox. Na bes faaga, o Yaal oxe soom na andkeel nen oxaa yoɗooxna.

A kim a tedu ke 23:2

Kaa ñootnaxam kam xa suufand xa quƥu sap, a ɓakandaxam paam poofi ƥuuɓu ke.

Sakari 9:10

«Xan a fi boo a sareet-xire jegkatee kam Efrayim, a watin pis qire’ir ke kam Yeerusaleem, a qali ke nqire’toogeena a ƥolel. Xan a yegin qeet ke fop jam, a maadoox no ke xotitna na juwaam boo na fa lakas, a dalit no xuluɓ ole Ofrat boo no cat adna.»

Ke bindeena no xe ne’eena YOB 5:22

Xan o jalaa yaq fee fo nqeex ne, too diidkiro ƥaaɓaan ke no lanq ke,

A kim a tedu ke 148:10

fo muumeen-a-koƥ ke fo cegel ke fo ƥood ke fo tiiƭ ke!

Esayi 32:18

Xeet es xan a ngen no ngenand jam, kam xa taland xa booru, na xa ñootnoorand xa yaadooxu.

Heseki’el 39:1

«Wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: Xam ɓekong o ɓay, wo Gog fee o kelwaar o maak oxe Mesek fa Tubal.

Esayi 54:5

Oxe sakoonga refu o kor of, oxe gon um a refna o Yaal oxe Hupna fop. O Tedu xe Isra’el refu o baawat of, ten fee na xoyeel Roog fee no lanq ke fop.