Hoose 2:15 - NQAARIIT NE ROOG

¹⁵ Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

Hoose 2:15 Referans Kwoze

Heseki’el 28:26

Xan a ngen teen fo o woor, a max pind, a njimb a ƭing taxar biiñ. Xan a ngen teen fo o woor, yaa um fadinkaa kate es took no fop we mbidna a den, a nqeefaa a den. Maaga, xan da and ee mi refu o Yaal oxe Roog den.»

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Hoose 11:1

O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

Yosuwe 7:26

Cinj kaaga, a njuuma took um a kac bo ta fi juum maak laa na maadaa boo xaye. Ten taxu boo fa ndiik a yulanq alaaga a ne’el a yulanq Taamaala. Cinj kaaga, fuux le no Yaal oxe a ɓoosa.

A pi ake 14:27

Yaa da mbadiidna Ancook, a mbokata waa mbog’ina no mbokatax ne no gimu we. A mbetandooxa gimu we ke Roog a fi’’ina fop na pexey den fo ne ta wetanit’ina we ndefeerna Yaawuur o don-maax ole, ndax da ngimat no ten, den itam.

YEGIL MBAAX NE YEESU ne Saŋ a bindtuuna 10:9

Mi refu ndokand ne. Rokitna na mi, xan a muc. Xan a rok, a sutoox, too xan a jeg o suufand.

Amos 9:14

A koom, xam nomtiid a Isra’el, xeet es fee ndefik’ina faɗ, da maxatin teeru ke ngefeena, a ngen a den. Xan a njimbatin a ƭing taxar biiñ den, da ndef muud den, a ƭing den a neqatin, xa tim axe a ndef muud den itam.

Heseki’el 16:60

Kaa koy, mi o mat xam wetandoox ngiɓoor es fa wo ye fo ndeƥandoong of too xam dalin fa wo ngiɓoor naa na refkaa boo faw.

Heseki’el 16:22

Kam ee kam cednooxu ke wo fop fo njaga of, wetandooxiro jamaane fee no ndeƥandoong of, ye yoqoona o ƥor, naag ƭuc soo luuñaa kam fo’oy of.

Heseki’el 16:8

Reefaam paam of, too ga’aam ee fadaa o doloox. Maaga, ñiraaxoong sabadoor ne mi, ndax um muur cer ƥor of. Daaɓooxaam fa wo, hiɓoor fa wo, soo o refanaam. Mi o Yaal oxe na refkaa boo faw layun.

Esayi 65:21

Xeet es xan a max pind, a ngen teen, a nduuf a ƭing, ta ref muud den.

Sakari 9:12

Nuun faɗ we njegna yaakaar, nomtooxyo no mbiñ o mbooru nqe nuun! Xaye sax mexe layaa a nuun ee xam rabid a nuun coono nuun boo a caf a ƭak.

A ƭomatax ake 3:21

Kaa koy, keeke refu xalaat fee um wetandooxaa, taxna boo um jeg yaakaar:

Yeremi 32:15

Yaam keeke o Yaal oxe Roog fee Isra’el Hupna fop a layu: Xan pind, xa qol fo a ƭing taxar biiñ a njikahineel no saax lene.› »

A kim a tedu ke 106:12

Maaga, a ngima no ke ta lay’ina soo a simattin a kim den.

A lim ale 21:17

Maaga, Ii-isra’el we a ngima a kim alene: «A ngas aleeke ndeeg, mayni! - Tagaseenoo! -

Hoose 12:9

layaa yee: ‹No ndigil, jegataam halal, fokatanoox a kamba! Kaa koy, kaam onjin, jegtinum na ƭat a qeleer.›

Esayi 65:10

Xa saawit axe Saron xan a ndefat xa suufand a ked ake, a yulanq ale Akoor a refat ngetand xa siir axe na xeet es fee na mbugko mbaaƭaxam.

Hoose 2:12

Ndiiki koy, xam wolin ƭuc na kid na xa pes um, too o leng yaqankiraam o fi’in.

A kim a tedu ke 129:1

A kim no ñaañaaƴ we yoo. Ñagadileem ƭomu no kaa xotitna no ndeƥandoong es – fat Isra’el a lay neene –

Yeremi 2:1

O Yaal oxe a daawnaxam fa lay um ee:

Yeremi 3:4

Ndiiki koy, saɗaxamo o falaloox ee: ‹Faap es, wo refu xaariit es no ndeƥandoong es.

Yeremi 29:11

Yaam mi o Yaal oxe andaam ke yuuɓanuuma a nuun. Jam yuuɓanum a nuun, yuuɓaniim a nuun paaxeer, ndax um ci a nuun muj fa mbaax fo yaakaar.

Heseki’el 28:25

Keeke layum, mi o Yaal oxe na refkaa boo faw: Yaa um fokatitkaa mbind Isra’el a ndeer qeet ke da pasaroox’ina, xam feeñlit o tedel es no ne um fesooritkaa fa den na kid no qeet lakas ke. Maaga, xan a ngen no saax den le ci’uuma a Yakoob fee o tag es.

Hoose 12:13

Yakoob a ƴufa no saax laa Araam, o tew a jaranin ta jalanaa o koor o lakas, a gayaa a ked um.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Haahate we 8:34

A ndalfooxa o mbeec o Yaal oxe Roog den wat’ina a den no fañ we mbidna a den fop.

1 Maad we 16:31

Ten koy, bakaad fee Yerobowam ta laalna deyiran boo ta gilig sax a Isebel fee o ƥiy Et-Baal fee o maad no Siisidoŋ we soo a doon teen a gungaa mbaambir Baal fee da mbi’’ina roog den, ndax ta faɗooxin.