Hoose 2:14 - NQAARIIT NE ROOG

¹⁴ Xam fiitin a ƭing taxar biiñ ake ten fo tun ke ten, ta layoogna yee: ‹Ndabid ne xa pes axe mi a cooxaxama yoo.› Xam supit a den suungaan, soo muumeen-a-koƥ ke a nduudin a den.

Hoose 2:14 Referans Kwoze

Mbeeñil 12:6

O tew oxaa koy a ƴufa kam a koƥ-a-ƥor alaa, maa Roog a jagandan’uuna, ndax ta ñoowaa maaga boo ñaal juni fo ñaal teemeed ƭik fo ñaal qarɓeen ɓetuu fa leng.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

Mbeeñil 12:14

Maaga, o tew oxe a dufane a nafir a ƭak ake inoorna na canjiik a maak ale, ndax ta yetaa maa ta ñoowitkaa boo xa kiid xa tadaq fa genwal kam a koƥ-a-ƥor alaa. Neene, o tew oxe a goƭata a Mbangool.

Mberaand 34:3

A damooxa na Dinaa fee o ƥiy o ndew onqe Yakoob, a saq no ten mbug ƭomu. A dalfooxa o waaƭaa fo xa ƭelem xa pelu maa ta jegitna o njaaƈ onqe.

YEGIL MBAAX NE YEESU ne Saŋ a bindtuuna 6:44

O leng waagee o gar me mi yaa Faap fee luliidaxama a qiciideeruuna me mi, too yaaga xam xontooxnoorin na bes fa mbalakaand faa.

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Heseki’el 20:10

Suttaam a den no saax le Misira, ɗox a den na koƥ-a-ƥor alaa.

Yeremi 16:14

O Yaal oxe kaa tee: «Yaaga koy, ñaal key a ngaraa kaa o leng a daaɓooritkateerna yee: ‹Ne ta wooritna yee o Yaal oxe xe ñoowaa, ten oxe sutitna Ii-isra’el we no saax laa Misira!›

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

A kim ale na kim ake 1:4

Damaam o ɓay, i ƈufloox! Wo o maad es, ɓekaam na ndok of. Xam ref no ɗaay, felakinoox yaam wo, kañ mbug of ne moƴna biiñ, yaam o bugong a ƭat oo.

Haahate we 19:3

O kor um a inooxa, a soƥkin, ndax ta lay fo ten no njek boo a gattin. A yoon’a fo o tag um, a ɓisloox xa paam xa ƭaq. O tew oxe a roknaan no mbind faap um, too ye faap um a ga’uuna a dalnaan fo o ɗaay.

YEGIL MBAAX NE YEESU ne Saŋ a bindtuuna 12:32

Mi koy, boo andoona yee yoɗteem no lanq ke, xam qic wiin we fop na mi.»

Ke bindeena no xe ne’eena YOB 36:16

Wo itam, Roog a suudit’aang na naqad, a ɓekong no yaadax, o roon of a may fo ñaamel pelu.

Heseki’el 20:33

Ne ta wooritna yee mexe ñoowaa, mi o Yaal oxe na refkaa boo faw layun, xam maadoox took nuun fo o ɓay o jegu doole fo a naax a cegu katil soo picit fuux es.

Mise 4:10

Wo Siyoŋ, o ndoog onqe, coono’i too iin nen o tew oxaa na gaajooxaa, yaam ndiiki kañ xan o sutoox teeru fee, dalaa na koƥ ale. Xan o ret boo Babilon, ndaa koy, maaga o muclitkeel. Maaga mat o Yaal oxe a watitkang na xa ƥay no fañ of.

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Yeremi 45:4

Keeke o Yaal oxe a simaxam um layong: Ga’angi, mexe yaqaa ke max’uuma, fuuraa ke jimb’uuma, refna ref saax lene fop.

Mise 1:7

Nitaal roog ke ten fop xan a nduguñel, tabid qoolaƭaru ke ten a ndoxel. Xam fiitin pangool ke ten fop ta waaƭitna tabid ke no njaga ne ten, da ndefatinik tabid njaga lakas.»