Hoose 2:13 - NQAARIIT NE ROOG

¹³ Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Hoose 2:13 Referans Kwoze

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Haahate we 3:7

Ii-isra’el we a mbi’a kaa faaxeerna na kid no Yaal oxe Roog den, a mbeecit o Yaal oxe Roog den soo a mbaɗooxaa a Baaliin, Aserayiin.

Hoose 13:1

A mbanuu a carind ale Efrayim a lay’ina, a carind a lakas ake fop a ndiid. O ten doon’u o ɓay kam Isra’el, ndaa a qica hate took um boo a yen, yaam a faɗooxaa a Baal.

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Hoose 2:7

Ya den kaa jaga’aa, oxe fudna a den kaa fi’aa cednooxu. Kaa layaa yee: ‹Xam reefan xa pes es axe na cooxaxam ñaamel es fo yerel es, fale es fa gaare es, diwliin es fa biiñ es.›

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 16:17

Jangaa kelax mosu ke wo mbi’teena wurus fee mi fa xaaliis fee mi ci’oonga, jaltin nitaal no goor, soo jaga fa den.

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Yeremi 11:13

Yaam wo Yudaa, jegaa roog kaa mayitna nen teeru ke wo. Wo Yeerusaleem, xa sadaxand gaci xe sipoona kaa mayit nen ped ke wo, xa sadaxand axaa Baal a doxanteel cuuraay.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

A kim a tedu ke 106:21

A mbeecta a Roog fee o Muumucil den, fi’’ina tig maak Misira,

A kim a tedu ke 106:13

Kaa koy, a mbeeca no ñofu ke ta fi’’ina too cungee ta fadin yuuƥ um.

A kim a tedu ke 78:11

Kaa mbeecit’u a pi a maak ake ten, comlaand ke ta fi’an’ina a den.

Ke bindeena no xe ne’eena YOB 8:13

Keene na dalaa fop we na mbeecaa a Roog, soo yaakaar no kimeer oxe a tas.

2 Maad we 21:3

A maxatina a ñaang a sadaxand ake faap um Hiskiya a moocand’ina. A geennana a Baal xa sadaxand, a lupan a Asera o daaƴ, ne Ahab fee reeƭna o maad Isra’el a fi’it’uuna, soo a gungaa mbaambir xa qoor axe na asamaan.

2 Maad we 10:28

Neene mat Yehu a ñuftu a paɗax ale Baal kam maat ne Isra’el.

2 Maad we 1:2

Bes, o maad Ahasiya fee reeƭna na ndok-took ale ten kam Samari, a yentiida no falangteer ole soo a gaañoox ngaañax ƭomu. A lula wiin da laamtankin a Baal-Sebub refna roog fee na teeru fee Ekron boo a and, ndax xan a wod no njom naaga ndax nam.

1 Sami’el 12:9

Kaa koy, cinj kaaga, a mbeeca o Yaal oxe Roog den. Ten taxu o Yaal oxe a xaƴ a den a ndeer xa ƥay axe Siisera, o aa-adax oxe no xiixire we Hasoor fo a ndeer xa ƥay axe no Fiifilista we fo a ndeer xa ƥay axe no maad oxe Mowaab, ye weene a nqire’na fa den.

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

A cangatin ale 32:18

Nu ndeɓa ɓil le rimnoorna a nuun, mbeecit a Roog fee ci’na a nuun o ñoow.

A cangatin ale 6:12

fat nu mbootoox o mbeecit o Yaal oxe sutna a nuun no saax laa Misira, maa nu ndeeƭna faɗ.

A sutax ale 32:34

Yaaga boog, reti too ɗox xeet fee me layoonga. Malaaka es xan a adooxan a nuun. Kaa koy, na bes faa um inooxkaa, xam xawit a den pakaad den.»

Esayi 65:7

Mi o Yaal oxe, mexe layan ee: Xam rabdandoor tooñ den fop fo tooñ ke no daan den, den we ndoxoogna cuuraay took xa coong axe, a mbenaxam took a ñaang ake. Neene, xam rabid a den a pesoorooƭ den ale yaaga too hendkiim teen dara.»

Heseki’el 16:12

Rokaam o heɗ no ñis of, xa loŋ-loŋ no nof of fo a ƈang a mosu took xoox of.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

A ƭomatax ake 1:4

A ƭat ake Siyoŋ owey no ñaawax, yaam toofeen ke ngarataand. Tokand ke ten fop kaa mbootat, saasadax we ten a iinaa. Mboƥ ndoog ne ten kaa naqadiloox, soo kam um a fag tak.

A ƭomatax ake 5:14

Nogoy we nga’ataand no qel ke, o nqilimb onqe no mbes ke nanataand.

Amos 8:10

A koom, xan toofeen nuun a suptel njaañ, a kim baneex nuun a ndef xa paɗax, oxuu refna a deroox o saaku, fop a nduusoox a ƥula yaam naqad. Kaam ee, a koom saax le a mbi nen kaa mbind oo mbind a nqoniɗ o dimbaane, fop a muukoor nen ñaal o njombe.