Hoose 2:12 - NQAARIIT NE ROOG

¹² Ndiiki koy, xam wolin ƭuc na kid na xa pes um, too o leng yaqankiraam o fi’in.

Hoose 2:12 Referans Kwoze

Esayi 7:23

Na pe akaaga, a ƭing aluu jegna taxar biiñ juni kaa mbaagna o njar xa monjong juni xaaliis fa nqoolu, xan a saxik takar-ñiig fo tomb.

Esayi 5:5

Ndiiki koy, xam lay a nuun deŋ ne um fi’kaa a ƭing ale mi: Xam bayit o ɗiiɗing ole, ndax ta fiitnel, maaf ɓit le, ndax ta duutel.

Hoose 13:8

Xam song a nuun nen ursu ndew naa xa ƥeem a ngifeena, too xam faar xoor le no ngang nuun. Xam lisit a nuun nen njogoy ƥasil, soo ƥaaɓaan ke na koƥ ale a sir a nuun.

Hoose 2:5

Mbaat toox xam wolin ƭuc, fi’in nen bes faa ta rimeena, nandandin fo a koƥ-a-ƥor ale. Xam fi’in ta refat nen lanq beeru koroŋ, a xonaa fo a koɗom.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Hoose 9:1

«Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.

Yeremi 26:18

«Mise fee genna Moreset a yegnit’a padafuleer na jamaane Hiskiya fee o maad Yudaa too a layooga xeet fee Yudaa fop ee: ‹Keeke o Yaal oxe Hupna fop a layu: Siyoŋ xan a guurel a refat o qol, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.›

Yeremi 8:13

O Yaal oxe kaa tee: «Xam ɓoor a den, too ndaxar biiñ ne saqkatee o rim o leng, ndun ne jegkatee o run o leng, a naf ake xan a leeƥ. Xam coox a den waa na ñafaƭooxkaa a den.»

Esayi 29:17

A woora yee ndeer mene fo a pe a mayeer xan Suungaan le Libaŋ a refat nen a ƭing, soo a ƭing ale a nand fo suungaan niɓu.

A kim a tedu ke 80:12

Dugatin um a xaya boo no maag olaa Mediterane, saqit um a ret boo no xuluɓ olaa Ofrat.

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 13:26

Mi fa xoox es xam yoɗ xa lifar axe no ndoki of boo na mukit of, ndax cer ƥor of a nga’el.

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.