Hoose 2:11 - NQAARIIT NE ROOG

¹¹ Ten taxu ci’katinum bele yaa fo a saxad fa biiñ fa nqas na waxtu a nir ale, too xam jaɓ fale es fa gaare es mbar’ina o sing cer ƥor um.

Hoose 2:11 Referans Kwoze

Amos 5:21

«Jegee dara kaa felaxama no toofeen ke nu mbi’anaxam, o xetand nuun a wataam xus nen ƈaq.

Amos 8:5

Kaa nu layaa yee: ‹Ndi mban muus fee no nqool onqe a faafkaa boo i mbaag o njikook bele fee in? Ndi mban bes fee na ñootnax ale a faafkaa, boo i mbaag o ndok no tap in? Xan i mbañ eedir ke, njigand ne i ƥaatin, yaq balaas fee boo mbaag o ñaam jiijik we.

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Yeremi 16:9

Yaam keeke layum, mi o Yaal oxe Roog fee Isra’el Hupna fop: Na kid nuun fo na jamaane nuun, xam ñuf no mbiñ onqene xa ƈeel axe fo xa soroxole xe, o ñuxur no kor no kuloox oxe fo ole no kulook oxe.

Nahum 1:10

A soƥangaa sax ee kaa ndef kol kaa saaƭoorna, a nquƥaa saƥ, xan a ndox riw nen daaƭ laa naagna ŋayam.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Heseki’el 26:13

Xam tiimin coow le na kim ake wo, too fangax le no fo nqilimb ne wo nankataand.

Yeremi 25:10

Xam ñuf a ndeer den xa ƈeel axe fo xa soroxole xe, o ñuxur no kor-no-kulook oxe fo ole no kuloox oxe, fangax le na ƥil a unir ake fo a qoolaand o lampa le.

1 Maad we 12:32

Yerobowam a dalna ndoofeen naa na roofandeel no ñaal xarɓaxay fo ñaal ƥetkandeer ne no nqool o ɓetuu ndadkandeer onqe, ndoofeen naa nandna fo ne na jegaa kam Yudaa, soo ten fa xoox um, ta ɓoxot sadax ke took o sadaxand ole. Keeke refu ke ta fi’na Betel, ye ta ɓoxotna xa qeel axe ta fi’in’ina sadax soo a dalin saasadax kam Betel na ñaang a sadaxand ake ta fi’na.

Hoose 5:7

A ngoda o Yaal oxe, yaam kaa ndim xa ƥiy no qooleer. Ndiiki koy, o nqool o leng soom xan a dey, ndax da saŋkel fo o jeg den fop.

A paɗax ale 26:20

Xan doole nuun a fag no kaa o leng a andeerna, yaam lanq ke mbatkee dara, too taxar ke ndimkee.