Hoose 14:7 - NQAARIIT NE ROOG

⁷ A naaq ake ten xan a naang lawlaw, ta mosit nen ndaxar oliiw, a xeeñaa nen suungaan le Libaŋ.

Hoose 14:7 Referans Kwoze

A kim a tedu ke 91:1

Oxe na yoogooxaa me no xe Took-ee-took, a jaɓnooxaa me no Cegu katil oxe,

YEGIL MBAAX NE YEESU ne Saŋ a bindtuuna 11:25

Yeesu a layaan ee: «Mi refu a qontax fo o ñoow. Oxuu gimna na mi a ñoow, a xonangaa sax,

Sakari 8:12

Xam duuf jam fee. Ndaxar biiñ ne xan a cooxit xa tim um, lanq ke a cooxit ke da mbatna, soo asamaan a cooxit a teƥ um. Xam lamnoor yoqatin we na xeet fene paax keene fop.

Hoose 14:5

O Yaal oxe kaa tee: «Maaga, xam supit o ñak o damax den. Xam jegood na den o mbeq o saƭku, yaam fuux es na den a ɓoosa.

Hoose 6:2

Cinj ñaal ƭik, xan a dakin a in no ñoow ole, no ñaal ndadkandeer naa, xan a inatin a in, too xan i ñoow mbaambir um.

Hoose 2:22

Xam bugir fa wo no ngor, too xan o andaam, mi o Yaal oxe.

Heseki’el 17:23

Xam jimbin took o joong o jiig kam Isra’el. Xan a sax a naaq soo a saq xa tim too xan a refat ndaxar seedar maak mosu. O xos ndiiƭ oluu refna xan a rut na naaq um. Kuu jegna a nafir xan a raang no yook ne na naaq um.

Esayi 61:11

Yaam ne lanq ke a suttaa col ke mbaat ne a ƭing a saxnitaa ke duufeena teen, neen o Yaal oxe na refkaa boo faw a saxnitkaa o cofel fo a simat mbaambir a saax ake, ne da mbodeena fop.

A kim ale na kim ake 6:11

Fudooxaam na ƭing taxar amaand ale, ndax um ɗeet col ke na yulanq ale, boo ga ndax taxar biiñ ke we morolaa, goronaad ke a mbiɗaa.

A kim ale na kim ake 2:3

Nen ndaxar ndiirim ndeer taxar koor ke no suungaan le neene oxe buguuma bug a nandu ndeer mbes ke. Yaawaam o moof no yook um, too o rim um kaa fel no don es bo.

A kim a tedu ke 138:7

Boo um ñaaƴaa kam naqad fee, kaa o ñoowdandaxam. Fañ es we mbuuxna, kaa o doonaa a den o ɓay, a ñamaak of a muclaxam.

A kim a tedu ke 85:6

Ndax kaa o fuuxankaa a in boo cay? Ndax fuux le wo kaa bugko xayaa no suk boo no suk?

YEGIL MBAAX NE YEESU ne Saŋ a bindtuuna 12:24

No ndigil, no ndigil, mexe layaa a nuun ee: A refangee kaa mbep a uupoox a lanq boo a xon, sang um a yoqaa, ndaa a xonangaa, a naaga o saqaa xa tim xa mayu.

Hoose 2:21

Xam bugir fa wo, o refanaam boo kili, kaam ee xam bugir fa wo no cofel fo na ƭat, no damax fo no mbeq.

A kim ale na kim ake 4:11

Wo o toog es, muuceek of kaa seeɓaa suum. Suum fo fo sis ndefu yoora ɗelem of, too a qeeñaan ale no tikoorik of kaa nand fo ale Libaŋ.