Hoose 14:3 - NQAARIIT NE ROOG

³ Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

Hoose 14:3 Referans Kwoze

A kim a tedu ke 68:5

Ngimanyo a Roog, nqaanin. Njagandanyo oxe ŋaayna a eel ake a ƭat. Gon um refu o Yaal oxe. Mbeƈekooxyo mbaambir um.

A kim a tedu ke 10:14

Wo o mat, dara kunpa’irang. Kaa o ga’aa we na coono’aa fo we naqadilooxna, ndax o saytoorit a den o ɓay of. O ñaatu xe na wo a ɓoxotooxaa, too kaa o ƴufgaa o waan ole.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

Hoose 2:17

Maaga um ɓoxotitkan a ƭing taxar biiñ um soo supit a yulanq Taamaala le o don-maax yaakaar. Maaga a jaaɓitkaa nen ye ta roogaa, nen a koom alaa ta sutoorna Misira.»

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

Esayi 30:16

Kaa nu lay ee: ‹Ha’aa, xan i ŋaay pis, ƈufin ndet!› Ten taxu xan nu ŋaay pis, ƈufin ndet, ndax nu ngod o joor. Kaa nu layaa yee: ‹Kaa i mbug o ŋaay pis ƈuuƴuf say.› Ten taxu raarax nuun xan a ndef ƴuuƴuf say.

A kim a tedu ke 33:17

Pis yaakaar mbooreer soom a refu, ke ta mayna may doole fop oo, naagee o muclaa.

YEGIL MBAAX NE YEESU ne Saŋ a bindtuuna 14:18

Xaƴkiim a nuun xa baan. Xam gar me nuun.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 8:9

Isra’el kaa ƴufanaa Asuur nen o faam-a-koƥ olaa berooxna, Efrayim a jiktaa mbugir ne neexil.

Hoose 8:6

O nqeel onqe Isra’el a inooru, too refee Roog. O kiin o baane’u rek jalun. Ten taxu o nqeel onqe Samari xan a fi’el xa ƥek xa ƥek.

Hoose 7:11

Efrayim kaa nand fo a nuukuur ale yooɓna naxel, a ñak-yiif. Kaa ƈufginooxaa a Misira, a ƈufan Asuur.

Heseki’el 37:23

Ndoɗgandkatee a qoox den tee kaa mbaɗooxaa nitaal roog cakalaaru, a mbi’aa a pi a cednooxu fo pakaad kuu ndefna. Xam mucil a den no fo mbiñ ne da ngen’ina fop too a mbakaadit’u teen. Xam xooland a den da ndefat xeet es soo um ref Roog den.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Esayi 36:8

Ndiiki koy, o yaal mbind of a jaɓangaa, fat a doon fo o yaal mbind es refna o maad oxe Asuur. Kaa ta layin ee: ‹Xam cooxong pis cuni ƭik, a soƥangaa yee waagaa o jeg ŋaaŋaay den.›

Esayi 31:3

Miimisira we wiin doŋ a ndefu, ndefee Roog. Pis ke den njer rek a ndefu, ndefee yiif. Yaa o Yaal oxe a yoɗkaa o ɓay um, oxe na ƴufgaa xan a tolof, oxe na ƴufgeel a yen, too den ɗik fop xan a saŋkoox.

Esayi 30:2

Kaa ndetaa Misira, ndax da njaɓnook maa Firawon fee, a laqook no yook ne Misira, too asooxiraam.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

Esayi 1:29

Xan nu naang ɓot fa gaci, yaam ne nu mbaɗooxaa pudaay tedlande, soo sed na ƭing nuun akeene nu mbodandteerna dara,

A kim a tedu ke 146:9

O Yaal oxe kaa yetooxaa xa kataakoon axe, a damtaa xa baan axe fo ñaaw we, ndaa kaa gefaa yuuƥ ke no soxodu we.

A kim a tedu ke 146:3

Ba nu ngooloox wiin maak we, o mbindeef onqe waageerna o mucil.

2 Caloori ke 16:7

Na jamaane faaga, Hanani fee o ƭeet oxe a soƥiida a Aasa fee o maad Yudaa, a layin ee: «Yaam ne geƈnooxoona no maad oxe Araam, fañ o geƈnoox no Yaal oxe Roog of, xiixire we no maad Araam a ƥostooxaang.

A cangatin ale 17:16

O maad oxe nuun waree o jeg pis mayu mbaat ta hebil wiin um da njikantikin Misira, yaam o Yaal oxe a laya a nuun ee nu mbaratee o nomtoox no saax leene.

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Yeremi 49:11

‹Nqaƴanaamoo xa baan axe nuun, mi na ñoowinkaa a den, too fat ñaaw we nuun a ngoolooxaam.› »

Hoose 4:12

Xeet es kaa nga’raa fo xa taaƴ den, too o loq den na feeñlaa a den ke da mbarna o mbi. Yiif njaga kaa mo’andaa a den, da nqaƴaam, a mbaɗooxaa roog lakas, nen o tew oxaa soobooxna no njaga.

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»

Yoona 2:10

Mi o mat, xam ɓoxotong sadax, yoonandtin a kim a kidmir, soo fadin ke regoonga boo ƴut, yaam a muc na wo a hataa, wo o Yaal oxe.»