Hoose 14:2 - NQAARIIT NE ROOG

² Wo Isra’el, nomtooxiidi me no Yaal oxe Roog of, yaam tooñ of a maafaang junjang.

Hoose 14:2 Referans Kwoze

Hebre 13:15

Na pexey Yeesu, fat i ngen no simataa a Roog, ta ref nen sadax in. Kaam ee, fat i ngen no simattan xa ton in.

Ke bindeena no xe ne’eena YOB 7:21

Xar taxu waasantiro bakaad es, forit tooñ es? Mexey xaadaa no lanq ke. Xan o waaƭaxam, ndaa refkatiim meen.

1Saŋ 3:5

Nu anda kene sax: Yeesu a feeña, ndax ta watin pakaad ke. Bakaad fa leng refee no ten.

1 Piyeer 2:5

Nu mbi’angaan, xan nu njokel, nuun fa qoox nuun, nen a ƥil a ñoow a maxir, ndefik ngenand Yiif le Roog. Kaa nu ndef saasadax Roog, ndax nu mbaag o ƥoxotan sadax katu na yiif nuun, da mbelin na pexey Yeesu Kiristaa.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

YEGIL MBAAX NE YEESU ne Lik a bindtuuna 18:13

O taarabdinax juuti xe a foda a cinj, bug’ee sax o daxaaƴoox na asamaan. Kaa riqooxoogu no ngang, too a layaa yee: ‹Roog, yirmaam mi fee refna o paabakaad!›

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

2 Sami’el 24:10

A cinj ye Dawid a limna xeet fee, o laaw um a dalfooxa o ref no fiiƭaa. A laya o Yaal oxe yee: «Fi’aam bakaad fa maak, ye fi’uuma keene! Ndiiki koy, o Yaal oxe, waasanaam tooñ neene, mi fee o tag of, yaam kaam fesoor nen o ƭof.»

2 Sami’el 12:13

Maaga, Dawid a laya a Natan ee: «Tooñaam o Yaal oxe!» Natan a layaan ee: «O Yaal oxe a waasanaang tooñ of, too xonkiro.

1 Piyeer 2:9

Nuun o mat, kaa nu ndef xeet fa njile fee, saasadax no Maad oxe, ƥasil tedu ne, xeet fee Roog a watna. Roog kaa jil a nuun, ndax nu yegnitik calel mosu ke ten, ten fee xoyitna a nuun no niɓaan ole, a ɓek a nuun na qoolaand a maak ale ten.

Hebre 10:4

yaam a woora yee fo’oy le no qoox ke fo le na suk paal ake, waagee o forit pakaad ke muk.

O leetar ole Pool a bindna GIMU WE NGENNA ROM 11:27

Keene na refkaa ngiɓoor es fa den, yaa um foritkaa pakaad den.»

YEGIL MBAAX NE YEESU ne Saŋ a bindtuuna 1:29

No feet olaa, Saŋ a ƴooka a Yeesu ta xotiidaa maa ten. Maaga, a laya yee: «Nga’yo o Mbaal onqe Roog na watnaa bakaad adna.

YEGIL MBAAX NE YEESU ne Lik a bindtuuna 11:13

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee na asamaan ci’kee Yiif Tedu le we nqeɗuuna o ten?»

Mace 7:11

Ke nu soxodna soxod fop oo, kaa nu ci’aa xa ƥiy nuun tig paax. Yaaga koy, ndax Faap nuun fee refna na asamaan ci’kee a nuun paax yaa nu nqeɗuuna o ten?

Sakari 3:4

Malaaka fee a laya we ndeeƭna mbaambir um ee: «Mbolaneenoo tikoorik toɗgu ke.» Cinj kaaga, a laya a Yosuwe yee: «Ga’aano, watnanaaxoong tooñ of, ndax um rokanong tikoorik xew.»

Esayi 6:7

A duqnaxam o ten no don, a lay ee: «Keeke a duqa o don of, tooñ of a mborte, pakaad of a mbaasantel.»

1Saŋ 1:7

Kaa koy, i naangangaa o ñaaƴaa kam a qoolaand ale, ne ta refitna na qoolaand ale ten fa xoox um, leng i ndefu, too fo’oy le no Ƥeem Yeesu kaa ɓogaa a in na bakaad fuu refna.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

A kim a tedu ke 50:14

Ɓoxotaam o ngidim of kañ nen sadax, mi fee Roog of, too fadin ke regaxamoona, mi oxe Took-ee-took.

A kim a tedu ke 51:16

Wo Roog, Roog fee o Muumucil es, muclaam no fo’oy le ɓaxuuma, too xan ɗelem es a xaanaa o cofel of.

A kim a tedu ke 51:17

O Yaal oxe, weti muuceek es, ndax o don es a simatong.

A kim a tedu ke 119:108

O Yaal oxe, jaɓi a qeƭax es nen sadax katu no don es too aqatinaam ke simtoona.

Hoose 6:6

yaam yirmande moƴanaxam sadax, o andaam a moƴanaam sadax toxel.»

Yoona 2:9

We na mbaɗooxaa pangool ke, kaa mbes a cinj a Roog fee waagna o mucil a den.

Esayi 44:22

Fortaam njofaƭar of fop nen eel hurdooxu, forit pakaad of itam nen a liim a samu. Nomtooxiidi me mi, yaam mi watong.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Hoose 5:5

O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.

Hoose 12:7

Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.