Hoose 14:1 - NQAARIIT NE ROOG

¹ We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Hoose 14:1 Referans Kwoze

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Hoose 12:6

O Yaal oxe refu Roog fee Hupna fop, gon um a ref o Yaal oxe.

Yeremi 4:1

O Yaal oxe kaa tee: «Wo Isra’el, o nomtooxiidangaa, kaam ee o nomtooxiidangaa me mi, o watnangaa nitaal roog cakalaaru ke wo mbaambir es, waas a coqooyax ale,

Hoose 13:9

Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.

A ƭomatax ake 5:16

O ndip onqe no xoox in a yena! Sabab took in, yaam i mbakaada!

Hoose 5:5

O nga’atinax onqe Isra’el na seede’anan, Efrayim xan a tolof yaam tooñ um, Yudaa itam a tolof fo ten.

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Esayi 19:22

Xan o Yaal oxe a xaw Miimisira we, ndaa xan a wodand a den itam. Xan a ngeleeroox me no Yaal oxe, too xan a jaɓ a qeƭ den soo a wodand a den.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Heseki’el 33:14

Um layangaa o soxodu xe yee xan a xon, a fesangaa pakaad um a cinj soo a reef a ƭat fo o cofel, xonkee.

Hoose 4:8

Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

2 Maad we 8:12

Hasa’el a laamtaan ee: «O yaal es, xar taxu o loolaa?» Eliise a doonaan ee: «Yaam kaam and paaxeer ke o fi’kaa Ii-isra’el we. Xan o raaɓ teeru cegu saŋe ke den, xa pes axe den, o warit a den laƥ, duguñ xa teɓandoong axe den, soo rew we den na mbudkaa, o xiir a den.»

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Hoose 9:13

Ye ga’uuma a Efrayim kaa nandtoogu a ƭing keec alaa jimbeena no mbiñ o nequ, ndaa xan a ɓis xa ƥeem me no xaa na warkaa a den.»

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal: