Hoose 13:9 - NQAARIIT NE ROOG

⁹ Wo Isra’el, ke na saŋkang refu yee kaa o siiknoor fa mi, siiknoor fo xe waag’oonga o ƴufig.

Hoose 13:9 Referans Kwoze

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

A cangatin ale 33:26

«Wo fee o Yaal oxe a fexna, o leng nandee fa Roog of. Kaa sangaaloox a asamaan, a ƴufgiidang, a ŋaay a eel ake, a yoon fo o magnel katil um.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Yeremi 5:25

Tooñ ke nuun o mat nootu keene fop, pakaad ke nuun a nqañ a nuun paax keene.

Malaki 1:9

Ndiiki koy, njeemyo o nqeɗoox a Roog, ndax ta yirim a in! A woora yee jaaɓkee a nuun yaam sadax ke nu ƥoxotan. Keene o Yaal oxe Hupna fop a layu.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Esayi 3:11

Kaa koy, ndaw naqad took no soxodu xe, yaam xan a rabdel a pi um.

Esayi 3:9

A tagid den na laltaa jiko fa mbaaxeer den. Kaa lambnaa bakaad den nen wiin we Sodoom too ƭasnee teen dara. Ndaw naqad took den, yaam kaa oranaa a qoox den o njakad.

Xa peƭit axe 8:36

Kaa koy, oxe bugeeraxama ga, xoox um a loraa, we mbañaxama fop a ƈufanaa fa nqon.»

Xa peƭit axe 6:32

Kaa koy, oxe seeqna fo o tew no lakas kaa raƥ yiif. Oxe bugna o saŋkoox doŋ na fesooraa neene.

A kim a tedu ke 146:5

Ndaw o ɗaay no xe ƈufig um a refna Roog fee Yakoob, yaakaar um a ref no Yaal oxe Roog um,

A kim a tedu ke 46:1

O yaal a ƭat ale no jeejeek we a xoolne yee a kim alene kaa fog na ke no Kookoora we, a gimteel o ñuxur o weelu.

A kim a tedu ke 33:20

In, o Yaal oxe i tayaa, ten refu ƈufig in fo pegoor in.

A cangatin ale 33:29

Nuun Ii-isra’el we, nu ƭaaya! Ndi an nandu fa nuun, nuun xeet fee o Yaal oxe a mucilna? Ten refu pegoor ne na ƴufgaa a nuun fo laƥ ne na ci’aa a nuun o ndam. Xan fañ nuun a yis mbaambir nuun, soo nu ndak a den no ndiiñ.»

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Malaki 1:12

Nuun o mat, kaa nu maasandaa gon es, yaa nu nqalaataa yee o sadaxand ole mi, mi o Yaal oxe jaree niwel, too ñaamel kuu ndefna a mbaage o ƥisiid teen.

Malaki 1:13

Kaa nu layaa sax ee: «Waafu! Keeke mat o torox oo!», soo nu ngarangaa sibdan. A soƥa fop koy, cegel kaañooru na taamaala mbaat kaa na laƴaa mbaat ciru doŋ nu ƥoxotiidaa. Keene mbug o ndef ke nu sadaxaxam! Jaɓkinum de! Keene o Yaal oxe Hupna fop a layu.

2 Caloori ke 28:23

Ye Aa-araam we a nqawna a Ahas, a ɓoxota sadax roog ke Damaas yaam a lay ee: «Feek roog ke no maad we Araam kaa ƈufgiid maad den, xam ɓoxot a den sadax ndax da ƈufgiidaam!» Kaa koy, kaaga a ora no ten njom, a orin na Isra’el fop.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Hoose 7:15

Mi yaru a den, saƭkand a den, ndaa paaxeer ƥor a yuuɓanaxam.