Hoose 13:6 - NQAARIIT NE ROOG

⁶ Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Hoose 13:6 Referans Kwoze

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.

Nehemi 9:35

Ke da ndeeƭna no maat den fop oo fo na baneex fa maak fee ci’’oona a den fo kam saax yaaju le naatna ɓoxot’oona a den, ndagooxirang too mbesee a pi a paaxeer ake den a cinj.

A cangatin ale 32:18

Nu ndeɓa ɓil le rimnoorna a nuun, mbeecit a Roog fee ci’na a nuun o ñoow.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Xa peƭit axe 30:9

yaam ndik um neq soo xañong, lay ee: «An refu o Yaal oxe?» mbaat kam ndool ne um guuɗ, ŋañnoor a Roog es.

Yeremi 5:7

O Yaal oxe kaa tee: «Wo Yeerusaleem, xar na taxkaa um waasanong? Xa ƥeef a mbaasaxam pelek soo a ndaaɓoortaa roog tefee ndigil ke. Ci’’aam a den fop ke da soxla’na, ndaa yaqanee da seeqaa, a kitkitnaa me na caga le.

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

Heseki’el 28:5

Na pexey o and o maak ole wo no njula, jegto halal fee wo, soo na pexey halal fee wo o yeg a xoox of.

Hoose 2:7

Ya den kaa jaga’aa, oxe fudna a den kaa fi’aa cednooxu. Kaa layaa yee: ‹Xam reefan xa pes es axe na cooxaxam ñaamel es fo yerel es, fale es fa gaare es, diwliin es fa biiñ es.›

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Hoose 4:7

Saasadax we fop ne mbodeena a tooñaxam. Xam supit o ndam den gaci.

Hoose 7:14

Ƈufginooxiraam fo a qeeñ den fop, yaa da ƭomatooxaa took cong den. Kaa ñaasooxaa, yaa da nqeɗaxam bele fa biiñ soo a ngoƭaam.

Hoose 8:14

Isra’el a weecta o saasak um soo a maxin pind no maad, Yudaa a mayƭand teeru saƭku koŋ ke, ndaa xam hebliid fiɗel kam teeru ke den, soo ta raaɓ pind mosu ke den.»

Hoose 12:8

O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Hoose 5:14

Yaam mi fa xoox es, xam ref nen njogoy na Efrayim, ref nen o njogoy o njanglax no mbind Yudaa. Mi, mi na lisitkaa, cinj kaaga um naag col, ret. Xam ɓis mbuufuɗag es, too o leng suqitkiran na mi.