Hoose 13:3 - NQAARIIT NE ROOG

³ Ten taxu yoo xan a sooƴ nen eel nqes, nen a liim ale na yenaa no njeeƈ-tanqin, nen ñaax yelefu le na yetaa maa goƭna cukand ne, nen fo suun ole na sutooraa no bomb le.

Hoose 13:3 Referans Kwoze

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

A kim a tedu ke 1:4

Ndaa ey, soxodu we! Kaa nand nen ñaax laa nqeñ ne a yetnaa.

A kim a tedu ke 68:2

Roog oxaa inooxaa, fañ we ten a pasaroor, noon um a ngod o joor.

Dañel 2:35

Ndak fo ndak, njelem ne fo ɗok le fa xanjar fee fa xaaliis fee fa wurus fee a moxoñooxa, nqeñ ne a yetin a den nen ñaax laa na feeseel yaa fo ƈiid, boo tus teen ga’ataand. Ɓil le dal’uuna koy, a refata o joong o maak, a mayƭand lanq ke fop.

Esayi 17:13

Qeet ke owe ŋurŋurnaa nen poofi cegu doole kaa na nqawraa, ndaa yaa Roog a ŋalkaa a den, xan a ƈuf koƭu, a ndaxeel nen ñaax laa nqeñ ne na xa coong axe a yetnaa, nen mbuyaambuy laa a und a maak a maƥna.

Ke bindeena no xe ne’eena YOB 21:18

A mban nu mosu nga da nand nen boob laa nqeñ a maƥna, nen ñaax laa a saaqul a adinna?

Ke bindeena no xe ne’eena YOB 30:15

A qufil ake kaa ndiidlandaxam, ngiin maak es a sooƴ nen kaa nqeñ a maƥna, o neq es a naag mendeng nen eel hurdooxu.

Sofoni 2:2

boo a posax ale no Yaal oxe a helko fo fadnooxaa, soo nu maƥel nen ñaax laa nqeñ a adinna, boo fuux ɗomu le no Yaal oxe a helko fo yenaa took nuun, boo bes fee no fuux le no Yaal oxe a helko fo dalaa took nuun.

Sakari 8:12

Xam duuf jam fee. Ndaxar biiñ ne xan a cooxit xa tim um, lanq ke a cooxit ke da mbatna, soo asamaan a cooxit a teƥ um. Xam lamnoor yoqatin we na xeet fene paax keene fop.