Hoose 13:15 - NQAARIIT NE ROOG

¹⁵ Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

Hoose 13:15 Referans Kwoze

Heseki’el 19:12

Kaa koy, a fuur’e fo fuux ɗomu, a deɓel a lanq. Nqeñ ne no batand a weerna xa tim axe ten, xa par xa maak axe a mbastoox soo a mbeer. Fiɗel le a raaɓa a den.

Heseki’el 17:10

Ten oo xeene a jimbe: Ndax xan a neq? Nqeñ ne no batand a daawangaan, ndax no ndigil weerkee? Xan a weer no lanq ke ta saxna.»

Yeremi 4:11

Na jamaane faaga, xeet fene fa Yeerusaleem xan a layel ee: «Nqeñ sumu jip ne xe hatiidaa na xa coong axe naangna halit kam a koƥ-a-ƥor alaa, a jagin farna fa xeet es. Refee koy nqeñ naa na feesteel bele.

Mberaand 49:22

Yoseef xan a ref dugatin neepu no ndaxar mayu xa tim naa refna paam a cur. A naaq ake ten xan a nqay boo a yooroox saŋe ne.

Mberaand 41:52

A ne’a o ƭikandeer oxe Efrayim yaam ee Roog a mayƭandaxam kam saax le jegit’uuma naqad.

Nahum 2:9

Niniif kaa nand nen mband ngefu naa may’ina fo foofi, ndaa ndiiki koy poofi ke owe mbalwalnaa. Ngeenooxyo! Cungyo! Kaa koy, o leng nomtooxiidee.

Hoose 10:1

Isra’el kaa reeƭu ndaxar biiñ ndiirim, naa watoogna xa tim xa mayu. Nuu xa tim axe ten a moƴ’ina o mayit, ta moƴ o mayƭandaa xa sadaxand axe. Nuu saax le ten a moƴ’ina o neqit, ta moƴ o sipaa a ƥil akaa na mbaɗooxeel.

Hoose 9:11

O ndam onqe Efrayim xan a yet fir nen ndiiƭ. Jegkatee fa ndim, saq tig ne’aand, too rok o fud jegkatee.

Hoose 4:19

Nqeñ ne xan a maƥ a den, too xan a sed ɓot yaam sadax ke den.

Dañel 11:8

Xan a jangal a den soo a ɓis Misira nitaal roog ke den fo xa taaƴ xa cawne xe den fo tig oo tig cegu njiriiñ ke den mbi’teena xaaliis mbaat wurus. Cinj kaaga, xan a ɗaayoor fo o maad oxe no ɓemb-roog o janoon boo xa kiid xa leng-leng.

Yeremi 51:36

Ten taxu keeke o Yaal oxe a layu: «Ga’angi, xam fartong, rabdinooxanong. Xam weerin o maag ole Babilon, ŋiisin a cur um.

Yeremi 20:5

Xam ɓoxot na xa ƥay no fañ den kalal ke no we ngenna na teeru fene fop, o rim ole no jale den fop, ke da njegna ta moƴ o faax fo a kamba ke no maad we Yudaa fop. Xan a njaɓel, a njangel soo a ƥisel Babilon.

Esayi 41:16

Xan o fees a den, nqeñ ne a maƥ a den, a und ale a pasar a den. Wo o mat, xan o felakinoox no Yaal oxe, fakoorit o Tedu xe Isra’el.»

Esayi 17:13

Qeet ke owe ŋurŋurnaa nen poofi cegu doole kaa na nqawraa, ndaa yaa Roog a ŋalkaa a den, xan a ƈuf koƭu, a ndaxeel nen ñaax laa nqeñ ne na xa coong axe a yetnaa, nen mbuyaambuy laa a und a maak a maƥna.

Esayi 14:21

Njagandooxanyo a bar ale na xa ƥiy axe ten yaam tooñ ke faap den, ndik da inooxahin, a njaɓ lanq ke soo a mayƭand adna fee fo ŋaaloor.

A kim a tedu ke 109:13

Fat xa taan um a moocandel, gon um a ñuf no suk ne na garaa.

A kim a tedu ke 1:4

Ndaa ey, soxodu we! Kaa nand nen ñaax laa nqeñ ne a yetnaa.

Ke bindeena no xe ne’eena YOB 18:16

A paƴ ake ten xan a mbeer, a naaq um a leeƥ.

A cangatin ale 33:17

Kaa ref no Yaal oxe nen nqoox taawloore, a ref qaaƴoor um. Xa can axe ten kaa nandtaa xa can naak-a-koƥ, a ndef faan le Efrayim fo le Manaase, ta xawtaa a den qeet ke, a raxaa a den boo no cat adna.»

Mberaand 48:19

Faap um a faña soo a layin ee: «Andaam kaaga de, o ƥees! Andaanum, ten itam xan a ref o taan xeet fa maak, a saqit. Kaa koy, o ndeɓ um na hupkan, too xan xa taan um a mayƭand qeet ke fop.»

Mberaand 41:6

Cinj kaaga, xa yaƥ ɓetaa ƭaq axaa nqeñ ne no batand a gaayinna, a sax a cinj den.

Esayi 27:8

Ha’aa, ndaa a raxa a den, a sut a den saax le. Neene a xawtu a den. A koom alaa fo a und ale no batand, a raxta a den haaƭ jegu doole le ten.

Yeremi 4:12

Nqeñ njegu doole yoo, naa inoorna maana boo me mi. Ndiiki koy, xam hate a den.»

Yeremi 51:1

Keeke o Yaal oxe a layu: «Xam wuuɗiid nqeñ yaayaq took Babilon, took no fañ we mi.

Hoose 2:3

Layyo fog faap goor we nuun ee: «Nuun ndefu ‹xeet es› », soo jigeen we nuun, nu lay a den ee: «Nuun ndefu ‹we fexuuma›.»

Yoona 4:8

Ye njeeƈ ne a watna, Roog a wuuɗiida mbooyo sumu ta hatiid no batand. Njeeƈ ne a xawa a Yoona no xoox boo ta yisat. Fa nqon doŋ a xeɗoogatu, a layaa yee: «Fa nqon sax moƴanataxam o ñoow.»

Mberaand 41:23

Cinj kaaga, xa yaƥ ɓetaa ƭaq axaa ngaayna, a ŋoroɓoox yaam nqeñ ne no batand, a sax a cinj den.