Hoose 13:14 - NQAARIIT NE ROOG

¹⁴ Ndax xam suqit a den na katil fee jaaniif, wat a den na fa nqon fee? Cey fa nqon, taa taamaala of? Wo jaaniif, taa yaq fee wo? Kaam koon yirmande fee.

Hoose 13:14 Referans Kwoze

Esayi 25:8

Xan a ñuf fa nqon boo kili. O Yaal oxe na refkaa boo faw xan a forit xa kooniit axe no mukit no fop, too xan a watin gaci fee dalna xeet um took lanq ke fop. Keene o Yaal oxe a regtu.

Mbeeñil 21:4

Xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke xan a mbaaf.»

Saak 1:17

Paax mbaat ci’it mbadu nuu refna, took a ngatu, na Faap fee sakna njeeƈ ne fo o nqool onqe fa xa qoor axe. No ten, a suptax a leng naagee o jegaa, too a qoolaand um suptooxkee o niɓaan.

Esayi 26:19

Wo xeet es, xon we wo xan a ñoowatin, xa tal axe den a nqontoox! We ngulooxna lanq ke xan a yokoox soo a mbelakinoox, yaam liim of liim a qoolaand oo, too lanq ke xan a ndakin xon we no ñoow ole.

A kim a tedu ke 49:15

Kaa maƥel nen paal, a njagin jaaniif, fa nqon a gayaa a den. Wiin jofu we xan a nduut a den no feet olaa, o mosel den a sooƴ kam gamb le na saŋkax ale, da ngoƭ ngenand den.

A kim a tedu ke 30:3

O Yaal oxe Roog es, ƴufginooxaaxoong, too wodandaxamo.

Ke bindeena no xe ne’eena YOB 33:24

xan a yirmin soo a lay a Roog ee: «Wateen, ndax rokkee no gamb le na saŋkax ale, yaam jegaam pexey naa wattanuuma.»

O leetar ole Pool a bindna GIMU WE NGENNA ROM 11:29

yaam Roog refee ci’it a jaɓ, too ricooxkee o xoy ole ten.

A kim a tedu ke 86:13

yaam o mbeq of na mi kaa magin lool. Ɗuqtitiidaxamo no xooɗ-ee-xooɗ laa jaaniif.

A kim a tedu ke 16:10

yaam xaƴkiro o laaw es ta mooc kam jaaniif, too xaƴkiraamo, mi fee o cofu xe wo, fa nqon a jengaam.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»

Mbeeñil 20:13

O maag ole a ɓoxota xon we ndeeƭna no ten, fa nqon fa jaaniif a ƥoxot xon we ndeeƭna na den. Den fop a ngate’e, oxuu refna na pi um.

1 Tesalonik 4:14

Yaam ne i ngimna yee Yeesu a xona, a xontoox, fat i ngim itam ee: Xan Roog a xontooxnoorandoor fa Yeesu we nqonna, too a ngim’u no ten.

2 Korint 5:4

Yaam nuu i ñoowtaa kam ƭiif neene, xan i ngenit xa iin nen kaa i ndoxondoox ndoq meɗu. Ke i mbugna, refee yee i mboloox cer in keene, ndaa kaa i mbug o ndokooxatin cer aa-asamaan ke in, ndax ke warna o xon a waag o ɗuuɗoox kam o ñoow ole.

O leetar ole Pool a bindna GIMU WE NGENNA ROM 11:15

Yaam ye Roog a deɓna Yaawuur we, a weta o gom, ndax qeet lakas ke na adna fee fop a njofoor fo ten. A gisatinangaa a den koy, xar na xewkaa? Ndax refkee a qontax ale no xon we?

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

Hoose 6:2

Cinj ñaal ƭik, xan a dakin a in no ñoow ole, no ñaal ndadkandeer naa, xan a inatin a in, too xan i ñoow mbaambir um.

A kim a tedu ke 71:20

Xettaam naqad fo taamaala pagkatar yaam wo, ndaa xan o nomtaam o ñoow ole. Xan o inatintaam no qooƭ ke no lanq ke,

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Filip 3:21

Ten feene o mat na supitkaa cer neewu doole ke in, da nandat fo cer o ndam um, a fi’tin sañ-sañ fee ta jegna boo a waag o garit fop took.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Yeremi 20:16

Yaasam o koor oxeene a nand fo teeru ke o Yaal oxe a jaxasna too jegee teen o ndicax. Yaasam ta nan xa poygax no nqes ne fo xa buuq xire njoloor o mbuc.

Yeremi 31:35

Keeke o Yaal oxe a layu, ten oxe na ci’taa njeeƈ ne, ndax ta xoolandaa ñaal ne, a heblaa o nqool onqe fo xa qoor axe, ndax da nqoolandaa o yeng ole, a jumbandaa o maag ole boo a yag-ee-yag ake a ndititaa, ten oxe gon um a refna o Yaal oxe Hupna fop:

Heseki’el 37:9

Maaga, a layaxam ee: «Jo’tanaam Yiif› le, wo fee o ƥiy no kiin, kaam ee jo’tanaam! Fat o lay Yiif le yee: Keeke o Yaal oxe na refkaa boo faw a layu: Wo Yiif le, inoortiidi no qeñ nahik ke, wuuɗ took xon wene ndax da ñoowatin!»

Ke bindeena no xe ne’eena YOB 41:22

Ɗuga o fud ole ten kaa jeg kaa saxitna nen xa paambaar xa beelu. A ƭooqlaand ale ten kam ɗok le kaa nand nen maa xa teng a teex a ƭooqeena.

A kim a tedu ke 49:16

Mi o mat, xan Roog a suudit o laaw es jaaniif soo a xotaam. A maaf

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.