Hoose 13:13 - NQAARIIT NE ROOG

¹³ Xa ƭomel gaaj xan a ngar took um, ndaa kaa nand nen o ƥiy onqaa andoona yee, na hap um sutooxee no fud ya um.

Hoose 13:13 Referans Kwoze

Esayi 37:3

Weene a laya a Esayi yee: «Keeke Hiskiya a layu: ‹Bes fene, bes naqad fo a qaw fa gaci a refu, ne ta layteel ee: Xa qeq axe mbudeena a mbade o ñoot, ndaa doole fa ñootir jegee.

Esayi 13:8

Kaa da ndiidlandel, ɗom fa naqad a ndal a den, da lañtooxaa nen o tew oxaa na gaajooxaa. Kaa da mbadir a kid fo o njaaxɗataand o maak, mukit den a nandtaa fiɗel.

Esayi 26:17

O Yaal oxe, kaa i nand’u mbaambir of nen o bodeer oxaa na gaajooxaa, a lañtooxaa yaam a ɗomeel soo a wuuqaa.

A kim a tedu ke 48:6

ndaa a njaaxɗa no ke da nga’na, a ndiid soo a ngod o joor.

2 Maad we 19:3

Weene a laya a Esayi yee: «Keeke Hiskiya a layu: ‹Bes fene, bes naqad fo a qaw fa gaci a refu, ne ta layteel ee: Xa qeq axe mbudeena a mbade o ñoot, ndaa doole fa ñootir jegee.

1 Tesalonik 5:3

Yaa wiin we a ngapko layaa yee «Ndaw jam!» tee «Ndaw booru!», ndak fo ndak nen gaaj, yaq fee a dalitkaa took den, too o leng waagkiran o daɗ a koom.

Xa peƭit axe 22:3

O kiin o qofu xe kaa ga’aa taamaala fee na garaa soo a woñin, oxe raƥna yiif o mat a suuraa rek soo a gomin.

2 Korint 6:2

Yaam Roog kaa lay kam a Pind a Tedu ke yee: «Na jamaane fa mbaax fee nan-gilooxaaxoong, na bes fee na muc ale um ƴufgong.» No ndigil, ndiiki refu jamaane fa mbaax fee, kaam ee, xaye refu bes fee na muc ale.

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

Yeremi 49:24

Njambaar ne Damaas a ɓuta, a yaj ake ten a mbes ndiiñ, ndax da ngod o joor, a sendaa ne mbodeena fop. Naqad fo xa ƭomel a ndala a den nen o tew oxaa na gaajooxaa.

Yeremi 30:6

Laamityo boog too ƭeet: ndax o koor a naaga o ñootaa? Xar taxu um ga’aa o koor oo koor a dam ndet nen o tew oxaa na gaajooxaa? Xar taxu mukit ke fop a mbeƭar?

Yeremi 22:23

Wo fee ngenand of a nandna fa Libaŋ, ndut of o fi’in kam taxar seedar ke, xan o iin tigi yaa a ƭomaand ake a ndalkang, o lañtooxaa nen o tew oxaa na gaajooxaa.»

Yeremi 13:21

Xar o laykaa, yaa we merandoox’oona a inooxankang, ndax da maadooxanong? Ndax xa ƭomel axe ndaawkirang nen xa ƭomel no tew oxaa na gaajooxaa?

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 66:9

O Yaal oxe kaa tee: «Ndax xam gaajin boo ƴut soo xañit o njaaƈ onqe a ñootel?» Roog of kaa tee: «Mi fee na jagandaa o rimel, ndax xam xañit ta jeg?»

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

YEGIL MBAAX NE YEESU ne Saŋ a bindtuuna 16:21

O tew a naagangaa o gaajooxaa, kaa ɗomeel lool, ndaa boo andoona yee a muca, wetandooxkatee dara no ƭomel ole, yaam o ɗaay ole ta jegna no ƥeem.

A cangatin ale 32:6

Xeet fa ƥodaxu too a ñak o and, ndax keene nu ndabidkaa o Yaal oxe? Ndax kaa refee faap nuun fo o saasak nuun? Ndax kaa fi’ee a nuun, a mool a nuun?

Hoose 5:4

A pi den kaa yaqanaa a den o nomtooxiid me Roog den, yaam njaga kaa adin a den, too andee o Yaal oxe.

YEGIL MBAAX NE YEESU ne Saŋ a bindtuuna 5:4

yaam kaa jeg’u malaaka faa fudooxiidoogna kam o ul ole leek-leek. Kaa garoogu a jumband foofi le, too oxuu eet’ina o naag teen coloƥ yaa foofi le a jumbandeena a wodooga boo ceŋ, kuu jir um a waag’ina waag o ref.]