Hoose 13:10 - NQAARIIT NE ROOG

¹⁰ Taa o maad of boog? Fat a muclong kam teeru ke wo fop! Taa haahate of we lay’oona yee: ‹Cooxaam o maad fo gelwaar?›

Hoose 13:10 Referans Kwoze

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

Hoose 10:3

Maaga, xan a lay ee: «I njegatee o maad, yaam i saɗaree o Yaal oxe. I njeg’angaa o maad sax oo, xar a fi’ankoogu a in?»

YEGIL MBAAX NE YEESU ne Saŋ a bindtuuna 1:49

Natana’el a doonaan ee: «O Caajangin oxe! Wo o mat refu o Ƥeenqe Roog, ref o maad Isra’el.»

Sakari 14:9

A koom, o Yaal oxe xan a maadoox took lanq ke fop. Ten soom na bugko faɗooxeel, gon um doŋ a ƴufginooreel.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Yeremi 8:19

Xa buuq xa ƈufginoor axe na xeet es a nannoortiida muu refna kam saax le: «Ndax kaa o Yaal oxe refatee Siyoŋ? Ndax kaa Siyoŋ jegatee o maad?» O Yaal oxe a doona yee: «Xar taxu da mbuuxnoortaam nitaal sexe ke den, tig cegee njiriiñ ke ngatna a ngenareem?»

Yeremi 2:28

Taa roog ke jaloodoona boog? Fat da inoox, a mbaagangaang o mucil yaa fa taamaala of! Yaam wo Yudaa, jegaa roog kaa mayitna nen teeru ke wo.

Esayi 43:15

Mi refu o Yaal oxe, ref o Tedu xe nuun fo o Saasak oxe Isra’el fo o maad nuun.»

Esayi 33:22

O Yaal oxe refu o Kaahate in, o ten na ɗoxaa a in. O Yaal oxe refu o Maad in, o ten na muclaa a in.

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

A kim a tedu ke 89:18

Wo refu katil fa nga’atinoor in, o cok in ole took, yaam ne fartoona a in.

A kim a tedu ke 74:12

Wo Roog, wo refu o maad in no kaa xotitna no camaane kaa yaaga, wo fee na muclitaa a pi a maak took lanq ke.

A kim a tedu ke 44:4

Yaam refee yee fo laƥ den a njaɓtu saax le, xa ƥay den muclee a den, ndaa a ñamaak of, a naax of, a qoolaand ale na mukit of o mat oo, yaam ne fex’oona a den.

A kim a tedu ke 10:16

O Yaal oxe refu o maad boo faw, we mbaɗooxeeruuna xan a moocandel no saax um.

2 Maad we 17:4

Kaa koy, o maad oxe Asuur a yega yee Hoose kaa fexeyanoogun boo a lul wiin maa Soo fee o maad Misira, too sax rabdoogatee o maad oxe Asuur a bateer. Maaga, o maad oxe Asuur a jengaan, a ɓekin kaso.

1 Maad we 12:20

Ye Ii-isra’el we fop a yegna yee Yerobowam a gata, a nqoynaan no mbokatax ne soo a ndodin o maad Isra’el fop. Neene, a carind ale Yudaa soom maad’u o damooxaa no mbind Dawid.

Hoose 3:4

Ii-isra’el we xan a moof a pe a miñu kaa da njegkeerna o maad fo o aa-adax, sadax fo a ƥil akaa da mbaɗooxaa, o jamb fo nitaal pangool ke.

Hoose 7:7

Den fop kaa sum jip nen o juɗand. Kaa listaa ɗooɗox we den, maad we den fop a yenaa, too o leng na den ƴufginooxiraam.

1 Sami’el 8:7

O Yaal oxe a doona a Sami’el ee: «Nan-gilooxi ke xeet fee a laykang fop, yaam refee yee wo a ndeɓu, ndaa mi sax a ndeɓu, ndax maadooxkatiim a ndeer den.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»