Hoose 13:1 - NQAARIIT NE ROOG

¹ A mbanuu a carind ale Efrayim a lay’ina, a carind a lakas ake fop a ndiid. O ten doon’u o ɓay kam Isra’el, ndaa a qica hate took um boo a yen, yaam a faɗooxaa a Baal.

Hoose 13:1 Referans Kwoze

Hoose 11:2

Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

YEGIL MBAAX NE YEESU ne Lik a bindtuuna 14:11

Yaam oxuu magnandooxna xan a neewandel, too oxuu neewandooxna xan a yoɗel.»

Xa peƭit axe 18:12

A magnandax na gartaa o njakad, a neewandax o mat a adooxanaa o ndam.

1 Maad we 12:25

Yerobowam a saƭkanda teeru fee Sikeem kam o jegel olaa na xa coong axaa Efrayim soo a gen maaga. Cinj kaaga, a inoora Sikeem soo a saƭkand teeru fee Penu’el.

1 Sami’el 15:17

Sami’el a layaan ee: «Yaaga, kaa o xalaatoogu yee refiro o kiin o maak, ndaa yaqanee o Yaal oxe a ɗuumong o maad Isra’el, o refat oxe adooxanna a carind ake Isra’el fop.

Haahate we 12:1

Goor we na carind ale Efrayim a mbokatoora, a njagin Safon soo a lay a Yefta yee: «Xar taxu o ñoxorkaa fo Aa-amon we too xoyiro a in i yoon fa wo? Xan i ndaaɓ mbind of, ndoxong fo ten.»

Haahate we 8:1

Goor we na carind ale Efrayim a laya a Gedeyon ee: «Ndi xar taxu o fi a in kene? Xar taxu xoyiro a in ye o ñoxorkaa fo Maamajan we?» A nqasra fo ten nqasir ƭomu.

Yosuwe 3:7

O Yaal oxe a laya a Yosuwe yee: «No ke xotitna no ñaal ne xaye xam fi’ong o kiin o maak na kid no Ii-isra’el we fop, too xan da and ee mexey fa wo ne refit’uuma fa Moyiis.

A lim ale 13:16

Keene ndefu a kon ake no goor we Moyiis a lul’ina, ndax da ngorook saax le. Moyiis feran’u a Hoose fee o ƥiy Nun Yosuwe.

A lim ale 13:8

na carind ale Efrayim: Hoose fee o ƥiy Nun,

A lim ale 10:22

We mbogna na carind ale Efrayim fo we ndal’ina fa den o mbiñ o leng ndeefan’u Keekehat we, a yoon fo a yaj den. Elisama fee o ƥiy Amihud adooxan’u a yaj ale na carind ale Efrayim,

Mberaand 2:17

bo ta yoqaa ndaxar ne na andnooraa paax fo paaxeer, yaam a mbanuu moɗoona xa tim axe ten, xan o xon.»

2 Korint 5:14

O mbeq Kiristaa kaa daaw o adin a in, yaam a woora a in ee o leng kut xonanu fop, ta tekit ee fop a nqonta no ten.

O leetar ole Pool a bindna GIMU WE NGENNA ROM 5:12

Nu anda yee na pexey o kiin o leng kut, ta ref Aadama, bakaad fee a roktiidu na adna fee, soo bakaad fee a ɓisiid fa nqon. Neene itam, fa nqon fee a yena took o kiin oo kiin, yaam fop a mbakaada.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Ke bindeena no xe ne’eena YOB 29:21

Kaa cungoogu um lay, a nan-gilooxaxam, a mbodandooxaa xa as axe mi.

Ke bindeena no xe ne’eena YOB 29:22

A cinj fa lay es o leng doonoogee, too xa ƭelem es kaa mbel’u fop nen xa toq foofi took lanq beeru.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Hoose 8:4

Kaa ndalnaa maad, too asooxkiraam, a njilaa kelfa, too yegkinum. Kaa njalnaa pangool fo qaaliis ke den fa wurus fee den, a qicaa took den a saŋkax.

Esayi 7:8

Teeru fee Damaas, Araam soom a waxooxu, soo Resin a ref kelfa Damaas rek. Ndeer mene fo xa kiid qarɓeen ɓetuu fa leng fo xa kiid xa ƥetaq, Efrayim xan a tasel boo refkatee xeet.

Hoose 2:10

O tew oxeene and’ee yee mi cooxoogun bele fee fa biiñ fa nqas fee fa diwliin fee. Mi ci’’un xaaliis fee fa wurus fee, soo ta fi’tin xa taaƴ axe Baal.