Hoose 12:8 - NQAARIIT NE ROOG

⁸ O Yaal oxe kaa tee: «Efrayim, kaa o nand nen o cula Kaakanaan, pokoox no ɓay of balaas fa mbaaxeer. Kaa o fex o naxaa doŋ,

Hoose 12:8 Referans Kwoze

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

A kim a tedu ke 62:10

A woora yee xa ƥiy Aadama nqeñ doŋ a ndefu, xa ƥiy no kiin a ndef cegeer. Den fop a meɗnooxange, a moƴ o yelef nqeñ ne.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

Sakari 11:5

paal keene jiijik den a mbaraa too mbi’iran ta ref tig, we na njikooxaa a den a layaa yee: ‹Roog ndok! I njegata xaaliis!›, too gaynaak den itam njegee na den yirmande fa leng.

Xa peƭit axe 30:20

Neeke o tew o seeseeq a fesooraa: kaa ñaamaa, a forit o don ole soo a lay ee: «Fi’iim paaxeer leng.»

Xa peƭit axe 30:12

Sabab took no we na nqalaataa yee a nqoola, too ƥogdooxee no nqoolaƭar den.

A kim a tedu ke 52:7

Ten taxu yoo xan Roog a luƈtong boo kili, a naagong nuus, a suqtong no ƭiif of soo a suudong no lanq ke no ñoow we. A maaf

A kim a tedu ke 49:6

Xar na taxkaa um saɗaraa ñaal taamaala, yaa paaxeer ke no we na ƈiƴtaa a mbidaxama?

A cangatin ale 8:17

Ba nu lay taa kam nuun boog ee doole nuun fo o saƭkel xa ƥay nuun ci’u a nuun halal feene.

1 Timote 6:17

Maƭooxi we ndefna yaal kalal ke ndiiki, ndax magnandooxkee, too a mbañ o ƥek yaakaar den na halal fa ngenee sen. Layi a den koy, da ndoon yaakaar den na Roog, ten fee na cooxaa a in fop, a mayƭandin boo muut, ndax i mbelakinoorin.

YEGIL MBAAX NE YEESU ne Lik a bindtuuna 16:15

Yeesu a laya a den ee: «Kaa nu mbi’ooxaa wiin jofu mbaambir no wiin we, ndaa Roog a anda ke refna kam a qeeñ nuun. Ke wiin we a ƭeetaa nen tig maak, Roog a sibu.

YEGIL MBAAX NE YEESU ne Lik a bindtuuna 16:13

Surga fa leng waagee o dagoox yaal ɗik, yaam yaaga xan a fex oxene, soo a fañ oxaana mbaat ta damoox no xene, soo a sib oxe yoqna. Nu mbaagee o mbug o ndagoox a Roog, soo mbug o ndagoox Xaaliis.»

YEGIL MBAAX NE YEESU ne Lik a bindtuuna 12:19

Cinj kaaga, xam lay na xoox es ee: Wo o laaw es, jegaa paax mayu kaa geekanoona a xoox of boo xa kiid xa mayu. Naagi ñootnooxaa, ñaamaa, yeraa, felakinooxaa!›

YEGIL MBAAX NE YEESU ne Lik a bindtuuna 10:29

Kaa koy, o koor oxaaga a bug’a o ɓur, too a laamta a Yeesu yee: «An refu o kend es?»

Malaki 3:13

O Yaal oxe kaa tee: Kaa nu layaxam xa ƭelem xa ñexetu soo laamtaa yee: «Xar i layong?»

Habakuk 1:16

Kaa ƥoxotaa paal ke den sadax, a ndoxanaa panguuñ ke den cuuraay, yaam na pexey den mbaƥ den a rooftu, soo ñaamel den a naang gañ.

Yeremi 2:23

Nam saɗo o layit ee: ‹Xoolaƭarandooxiim, reefiim a ƭat ale Baaliin?› Ɗeeti ne o ñaaƴtaa na yulanq ale! Anddilooxi ke fi’oona. O ga’angaang ee o ngeeleemb o ndew onqaa na ƴufaa o saax oo saax.

Yeremi 2:35

o lay ee: ‹Fi’iim cageer leng. Fat fuux le no Yaal oxe a goƭaam!› Kaa koy, mi o Yaal oxe, xam layoor fa wo, feek kaa o lay ee: ‹Bakaadiim.›

Malaki 2:17

Kaa nu nqijlaa o Yaal oxe na xa ƭelem nuun soo laamtaa yee: «Na xar i nqijlan?» Ten refu, yaa nu layaa yee: «We na mbi’aa paaxeer a mbaaxa na kid no Yaal oxe, too kaa fartaa a den.» mbaat nu ndamtin ee: «Taa Roog fee no cofel ole?»

Heseki’el 28:5

Na pexey o and o maak ole wo no njula, jegto halal fee wo, soo na pexey halal fee wo o yeg a xoox of.

Hoose 4:8

Sadax fa mbaasnoor bakaad fee na xeet es a ñoowtaa, ten taxu da mbug xeet fee a moƴ o mudaa na bakaad.

Hoose 13:6

Kaa koy, ye nu mbadiidna na xa suufand xa quƥu sap axe, nu ñaama boo ngiñ, kaam ee nu ñaama boo ngiñ, xeeñ nuun a magnandoox soo nu mbeecaam.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Xa peƭit axe 11:1

O Yaal oxe kaa sib balaas fa mbaaxeer, a poox a bodu ke mat a mbelin.

Yeremi 5:27

Pind ke den kaa may muut fo kaa hatna no laɓari, nen kees naa mayna muut fo tiiƭ. Ten taxu da njegat doole fa halal,

Amos 8:5

Kaa nu layaa yee: ‹Ndi mban muus fee no nqool onqe a faafkaa boo i mbaag o njikook bele fee in? Ndi mban bes fee na ñootnax ale a faafkaa, boo i mbaag o ndok no tap in? Xan i mbañ eedir ke, njigand ne i ƥaatin, yaq balaas fee boo mbaag o ñaam jiijik we.