Hoose 12:7 - NQAARIIT NE ROOG

⁷ Ndiiki koy, nuun xa taan axe Yakoob, nomtooxiidyo me Roog nuun, ngay o mbeq fo o cofel, too yaakaar kili a Roog nuun.

Hoose 12:7 Referans Kwoze

Xa peƭit axe 11:1

O Yaal oxe kaa sib balaas fa mbaaxeer, a poox a bodu ke mat a mbelin.

Saak 5:4

Kaa nu naxoogu wiin we njalna na xa qol nuun, mbañ o ndabid a den. Den koy, owe loolooxaa a Roog ne nu mbi’itna fa den. Wiin weene njalanna a nuun owe mbuuqaa, too Roog o Yaal oxe Hupna fop a nana a den.

YEGIL MBAAX NE YEESU ne Saŋ a bindtuuna 2:16

a lay jiijikax a qoɗoxoñ ake yee: «Aca, mbatinyo kene meen! Ba nu mbi Mbind Faap es o jikoorand!»

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 14:21

O xuɗoox oluu refna kam Yudaa fo kam Yeerusaleem, xan a ted no Yaal oxe Hupna fop, too oxuu sadaxitna xan a waag o xot teen, a jawtikin. A koom, o leng jikooxkatee kam Mbind ne no Yaal oxe Hupna fop.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

Heseki’el 22:29

Wiin we no saax le kaa mbi’aa a ƭom-yedar, a nguuɗaa, a toroxandaa o ndool onqe fo o toroxu xe, a ñagadilaa o gataakoon ole, a njiriiñooraa haq um.

Heseki’el 16:3

Fat o lay ee: Keeke o Yaal oxe na refkaa boo faw a layu a Yeerusaleem: Na coosaan of fo no rimel of, no saax le Kanaan fogo. Faap of o Aa-amori a reeƭu soo ya of a ref o Heeheet.

Esayi 3:5

Xeet fee xan a ñagadilraa, oxuu refna a ñotombilaa o kend um. Teɓandoong ke xan a inooxan maak we, soo fo mboƭomsogor ne a inooxan we niweena tigi.

Xa peƭit axe 16:11

Balaas fa mbaax fa bastul fa mbodu o Yaal oxe a bugu, fo mboox ne ƥekeena kam nafa, a anda a den fop.

1 Sami’el 12:3

Mexey mbaambir nuun! Um jegangaa ƥanjel, ƥanjaamoo mbaambir no Yaal oxe fo mbaambir o maad oxe ta jilna. Ndax jangaam nqoox no kiin mbaat o faam um? Ndax naxaam o kiin mbaat um toroxandin? Ndax mosaam o jaɓ neexil no kiin ndax ga’kiim a pi um? A refangaa, too a jega, xam nomit a nuun baasnoor.»

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Heseki’el 28:5

Na pexey o and o maak ole wo no njula, jegto halal fee wo, soo na pexey halal fee wo o yeg a xoox of.

Sakari 5:8

Malaaka fee a layaxam ee: «Ten refu coxod ne.» A jooratinaan kam a cenjel ale soo a rip o afnir beteex ole took fee.

Mberaand 49:18

O Yaal oxe, na wo geƈnooxum, ndax o mucil.

Esayi 56:1

O Yaal oxe kaa tee: «Mbi’yo ke refna a ƭat, ngay o cofel, yaam a muc es ndiik a fadiid, too o cofel es xan a feeñ.

Hoose 14:2

Wo Isra’el, nomtooxiidi me no Yaal oxe Roog of, yaam tooñ of a maafaang junjang.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

Sakari 7:9

«Ngate’ityo a ƭat, njeg o mbeq fa yirmande a ndeer nuun.