Hoose 12:6 - NQAARIIT NE ROOG

⁶ O Yaal oxe refu Roog fee Hupna fop, gon um a ref o Yaal oxe.

Hoose 12:6 Referans Kwoze

Mise 6:8

Ha’aa! Woxe kiin, andnooree ke faaxna. Ke o Yaal oxe a bugna na wo refu yee o ñaaƴin a ƭat, fadin o mbeq soo ñaaƴaa fa Roog of kam a neewandax.

Mise 7:7

Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

Hoose 14:1

We ngenna Samari xan a nqawel, yaam kaa siiknoor fa Roog den. Xan a nqonit na xire, xa teɓandoong xa tutuuñ axe den a nduguñel, rew we den ndefna xa pud a nqiirel.»

Sakari 7:9

«Ngate’ityo a ƭat, njeg o mbeq fa yirmande a ndeer nuun.

Saak 2:13

Oxe yirmeerna o kend um, na bes faa na hate faa, Roog yirimkiran itam. Kaa koy, o yirmangaa wiin lakas we, saɗarkiro mbaambir no Kaahate xe.

Saak 1:27

Roog Faap fee kaa lay ee o reefin ndigil refu: O topatooxaa xa baan axe fo ñaaw we ndefna na coono, wootoox a xoox of itam, ndik paaxeer ke na adna fee a naxong, a mbi’noorong paaxeer.

A pi ake 26:20

Kaa koy, kaam eet o waare we ngenna Damaas fo we Yeerusaleem. Cinj kaaga, waare’aam we ngenna no jegel olaa Yudee fop fo we mbogna no qeet lakas ke. Xeɗaam a den da supit o ñoowooƭ, a nomtoox farna fa Roog, too a mbi’aa a pi akaa lalitna yee a suptooxa tigi.

A pi ake 2:38

Piyeer a doona a den ee: «Mbesyo pakaad nuun a cinj, too oxuu refna fat a batiise’el no gon Yeesu Kiristaa, ndax pakaad um a mbaasanel, ta daaw Yiif Tedu le Roog a ci’taa.

Sakari 8:16

Keeke refu ke nu mbarna mbi: Naangyo layraa ndigil a ndeer nuun, ngate’taa ndigil no qeloorand ke nuun, ndax jam a jeg.

Sakari 1:3

Ndiiki koy, fat o lay Ii-isra’el we yee: ‹Nomtooxiidyo me mi, too xam nomtooxiid me nuun. Mi o Yaal oxe Hupna fop layun.

Sofoni 3:8

Ten taxu cungaamoo, cungyo bes fee um inooxkaa, ndax um jamb a nuun, yaam hebooxaam o fokat qeet, fosoox o korol maat ke, ndax fuux es a biltooxan a den, fuux ɗomu le mi fop. Saax le fop xan a raaɓtel fiɗel le no naal ne mi. Mi o Yaal oxe layun.»

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Amos 5:24

Ke buguuma refu a ƭat ale na xayaa nen a ƈufnand, o cofel ole na ɓunaa nen xur fa ŋiiskeer.

Yowel 2:13

Ba nu mbaar toki nuun, ndaa mbaaryo a qeeñ nuun soo nomtooxiid no Yaal oxe Roog nuun, yaam kaa yirmaa, a laabiir, a muñantaa, a may fo o paaxel too kaa ricooxaa taamaala ke ta heblitiidna.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Hoose 4:1

Nuun Ii-isra’el we, nan-gilooxyo fa lay fee no Yaal oxe. O Yaal oxe a jega fa nuun layoor, yaam o damax fa yirmande fo o and a Roog njegee kam saax le.

Yeremi 22:15

Ndax kaa o bug o lalit ee o maad tigi refo yaam ne o yuxmaa a patax ndaxar seedar? Ndax faap of ñaamoogee, a yeraa nen a wo? Yaag oo toox de a ƭat fo o cofel a ñaaƴnoogu, too fop a faax’a no ten.

Esayi 58:6

Keeke refu koor ne buguuma: Ten refu yee o wokit we ngumteena ceen took o hup doole, ɗeg ŋaƭir ke no kadoor ke da ireena, we na toroxandeel, o fi da njeg a qoox den, ɓol kadoor ke fop.

Esayi 40:31

ndaa we yaakaarna o Yaal oxe kaa ndaawaa doole fa nqas. Kaa yetaa nen a canjiik, a ƈufaa, too nqijkee, a ñaaƴaa, too ñakkee doole.»

Esayi 31:6

Nuun Ii-isra’el we, nomtooxiidyo me no xe nu mbes’ina a cinj tigi.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

Esayi 8:17

Kaam cungaa o Yaal oxe na ɗasnaa mbind Yakoob mukit um. No ten doonum a koolax es.

Esayi 1:16

Ƥogooxyo, ƥogdinoox! Fat a pi a paaxeer ake nuun a naang faq, nu mbaas paaxeer ke nu mbi’aa.

Xa peƭit axe 21:3

Fi’aa a pi a cofu fo a ƭat moƴanu o Yaal oxe sadax ke.

Xa peƭit axe 1:23

Nomtooxiidyo me mi, um soq a nuun! Yaaga xam picit yiif es na nuun, andnoor a nuun fa lay es.

A kim a tedu ke 123:2

Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

Mberaand 49:18

O Yaal oxe, na wo geƈnooxum, ndax o mucil.

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

Yowel 2:12

O Yaal oxe kaa tee: «Nomtooxiidyo me mi na qeeñ nuun fop, yaam a waagooxa boo fa ndiik. Ngooryo, lool soo ƭomatoox.»

A sutax ale 3:15

Roog a layahina a Moyiis ee: «Fat o lay Ii-isra’el we yee: ‹O Yaal oxe refna Roog fee no daan we nuun, a ref Roog fee Abraham fa Roog fee Isaak fa Roog fee Yakoob, luliidaxam me nuun.› Keene refu gon es bo na moos boo moos. Kaam ee keene refu gon le um bugko xoyeel no suk nuu refna.

Amos 4:13

yaam oxe sakna xa coong axe fo nqeñ ne too a feeñlaa o kiin a qalaat um, kaam ee, oxe na suptaa mbeet ne, a fi’in o niɓaan, too a ñaaƴaa took xa coong axe, gon um refu o Yaal oxe Roog fee Hupna fop.»