Hoose 12:4 - NQAARIIT NE ROOG

⁴ Kam o fud ya um, Yakoob a ƴiƴta o maag um, too ye ta deyna o fes ñaƭ, a maafra fa Roog.

Hoose 12:4 Referans Kwoze

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Mberaand 35:15

Yakoob a ne’a o mbiñ onqe Roog a layit’ina fo ten Betel.

Hebre 5:7

Kam o ñoow um na adna fee, Kiristaa kaa xeɗoogu a Roog fee waag’uuna o mucil na fa nqon, a yoonandtin xa iin fo xa kooniit. Roog a jaɓa a qeƭ um, yaam ne ta ɓoxotoox’ina no ten.

1 Tesalonik 4:17

Cinj kaaga, in we ta soƥkaa i ñoowaa, xan i yoɗooxandoor fa den kam a eel ake, nqetik fo o Yaal oxe took, soo ndef fo ten boo kili.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

A kim a tedu ke 66:6

A weerna o maag ole, o xuluɓ ole a xaañel fo o jaf. No keene o mat i mbelakinoortu no ten.

Mberaand 48:15

A barke’a a Yoseef ee: «Yaasam Roog fee Abraham fa Isaak, we daan es a ñaaƴoogna mbaambir um, yaasam Roog fee na gayaxam no kaa xotitna no ñaal naa rimeema boo xaye,

Mberaand 32:29

O koor oxe a layaan ee: «No ke xotitna no ñaal ne xaye ne’kataandee Yakoob, ndaa Isra’el , yaam maafraa fa Roog, maafir fo goor, maaf a den.»

Mberaand 32:24

A joota fa den a ƈufnand alaa, soo a jootin o jeg um fop.

Mberaand 32:26

Ye o koor oxe a ga’na yee waagiran o maaf, a fadaan no fek, soo fek le Yakoob a girdoox.

Mberaand 25:26

Cinj kaaga, o ƭikandeer oxe a gara, o ɓay ole ten a dam o faaɗ ole Esawu, oxaaga a ne’el Yakoob. Isaak a jeg’a xa kiid qarɓeen ɓetuu fa leng ye da ndimeena.

Mberaand 32:25

Cinj kaaga, Yakoob a moofa ten soom. O koor a dalfooxaan o song, da ndef no maafir, boo neen mbeet ne a leeliidaa.