Hoose 12:13 - NQAARIIT NE ROOG

¹³ Yakoob a ƴufa no saax laa Araam, o tew a jaranin ta jalanaa o koor o lakas, a gayaa a ked um.

Hoose 12:13 Referans Kwoze

A kim a tedu ke 77:20

Fi’aa a qal kam o maag ole, sex a ƭat no qooƭ ke no poofi ke, too o leng ga’ee o jaf of.

Mise 6:4

Mee ndax mi suttong no saax laa Misira, watong no mbaƭ ne reeƭoona soo heblanong a Moyiis fa Aaroon fa Miryam, da adooxanong.

A sutax ale 13:3

Moyiis a laya xeet faa yee: «Mbetandooxyo bes feene nu sutooxna Misira maa nu ndeeƭna faɗ, yaam na pexey katil fa maak fee ten o Yaal oxe a suttu a nuun maaga. A koom, o leng na nuun ñaamkee mbuuru naa fuutuurna.

1 Sami’el 12:8

Cinj ye Yakoob a garna Misira, daan we in kaa ƈufginooxoogu o Yaal oxe. O Yaal oxe a lula a Moyiis fa Aaroon da ngar a sut a den Misira soo a ngenniid a den no mbiñ onqene.

A sutax ale 14:19

Malaaka fee Roog ñaaƴoogna mbaambir Ii-isra’el we a riƈatooxa, a fodik a cinj den. Eel le ɗoxoogna a den oo, a riƈatooxa, a fodik a cinj den,

A lim ale 12:8

Kaam jasnooraa fo ten, layaa fo ten a qool qac. Kaam feeñooxan itam, ta ga’aa a qoolaand ale no ndam es. Nam nu saɗtu boog o nqasooxanaa a Moyiis fee o tag es?»

Hoose 2:15

Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

Hoose 11:1

O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

Mberaand 28:2

Inooxi ret Padan-Araam no mbind Betwel fee faap ya of, o waaƭit o tew a ndeer xa ƥiy xa tew axe Laban fee o camin ya of.

Mberaand 29:20

Neene, Yakoob a jala xa kiid ɓetaa ƭaq, ndax ta jeg a Rakel. Xa kiid axeene a ndeeƭa na Yakoob nen ñaal leng-leng yaam kaa bug’u a Rakel lool.

A cangatin ale 26:5

Maaga, fat nu layahin mbaambir no Yaal oxe Roog nuun ee: ‹O taan in kaa reeƭu o Aa-araam oxaa na molaa, too wiin leng-leng soom a yoonit’u, ye ta retaa Misira ndax ta ñoow maaga nen o gataakoon. Kaa koy, a ndeeƭata maaga xeet fa maak fa njegu doole too a may.