Hoose 12:12 - NQAARIIT NE ROOG

¹² Galaad njofaƭar doŋ a fofu, a ref o koohod. Kaa sadaxtaa qoox kam Gilgal. Ten taxu xa sadaxand axe den xan a ndefat nen a cuum a kac na cur ake na xa qol axe.

Hoose 12:12 Referans Kwoze

Mberaand 31:41

Keene um reftin boo xa kiid qarɓeen ƭik no mbind of. Jalanaaxoong xa kiid xarɓaxay fo xa kiid xa nahaq yaam xa ƥiy xa tew axe wo, jalanong xa kiid ɓetaa fo leng, ndax um daaw a las es no cegel ke, too ndabid es, suptaano boo a caf xarɓaxay.

Mberaand 27:43

Ndiiki koy o ƥees, nan-gilooxi ke um askang! Inooxi, ƴuf Xaraan maa Laban fee o camin es.

A cangatin ale 26:5

Maaga, fat nu layahin mbaambir no Yaal oxe Roog nuun ee: ‹O taan in kaa reeƭu o Aa-araam oxaa na molaa, too wiin leng-leng soom a yoonit’u, ye ta retaa Misira ndax ta ñoow maaga nen o gataakoon. Kaa koy, a ndeeƭata maaga xeet fa maak fa njegu doole too a may.

Mberaand 30:26

Ndiiki koy, cooxaam rew we mi fo xa ƥiy axe mi, taxna um jalanong, too xam ret, yaam wo fa xoox of andaa ke jalanoonga.»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Hoose 6:8

Galaad teeru no fiifi paaxeer a refu, faa fo’oy a ɓaxeena teen.