Hoose 12:10 - NQAARIIT NE ROOG

¹⁰ Mi refu o Yaal oxe Roog nuun sutitna a nuun Misira. Xam gennoorahin a nuun kam ƭiif, nen ye um garaa me nuun kam a koƥ-a-ƥor alaa.

Hoose 12:10 Referans Kwoze

2 Maad we 17:13

O Yaal oxe a maƭoox’a we Isra’el fo we Yudaa na pexey duleer we ten fop fo ɗeet we ten fop ee: «Mbesyo a cinj a ƭat a paaxeer ake nuun, nanan kebil es fo bargal es, ndeef fop ke hebil’uuma daan nuun, daawnin a nuun na pexey duleer we dag es.»

Yeremi 19:1

O Yaal oxe a hebla a Yeremi yee: «Reti, o jikit o jalag ƭok maa no maamax xa calag. Cinj kaaga, yooni fo leng-leng no maak we na xeet fee fo maak we no saasadax we.

Yeremi 7:25

No kaa xotitna no ñaal naa daan nuun a sutoorna no saax laa Misira, a gar fa xaye, kaam lultiidoogu a nuun duleer we dag es, roog fuu feedna um luliid a den.

2 Korint 12:7

Neene koy, yaam com’andtu ke no peeñil keene, sooxaneem kam cer es a bej, ndax jimbooxkiim kam a magnandax. A bej aleene kaa fadtiidaa nen oxaa Saytaane a lulna, ndax ta xijlaam boo magnandooxkiim.

2 Korint 12:1

Kaam ee, ke ta refna gaaf faaxeer fop oo, waagiim o ñak o fakoox. Ndiiki koy, kaam layiidaa xa ƭaaɗ fo peeñil kaa o Yaal oxe a cooxaxama.

A pi ake 2:17

‹No ñaal palakaand ke, xam fudniid Yiif le mi took no wiin we fop, xa ƥiy xa koor axe nuun fo xa ƥiy xa tew axe nuun xan a njo’tanaxam. xa pes axe nuun a nga’aa, a mbeeñooxeel, soo nogoy we nuun a ƭaaɗaa.

Amos 7:14

Ye ta layna neene, Amos a doonaan ee: «Nduleer refee calel es, too fogiim no we nduleer a inna. A refangee ngaynaak fo a cimb paƭat yaakaariim lakas.

Hoose 3:1

O Yaal oxe a layaxam ee: «Retahini, o bugir fo o tew oxeene jegna xa pes too a seeqaa. Bugteen ne bugtuuma Ii-isra’el we, mi o Yaal oxe, ke da ngeleerooxaa farna fo roog lakas ke fop oo, a mbex o ƥoxotaa a den xa kaf xa tim biiñ.»

Yeremi 25:4

O Yaal oxe a lultiida a nuun duleer we dag um fop, roog fuu feedna ta luliid a den, ndaa nu nan-gilooxee, nu ndungee nof nuun, ndax nu nan.

Yeremi 19:10

Cinj kaaga, xan o duguñ o jalag ole na kid no goor we na yoonkaa fa wo,

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

1 Maad we 19:10

A doonaan ee: «O Yaal oxe, wo Roog fee Hupna fop, naa moofum kaam jaflax na wo. Kaa koy, Ii-isra’el we a mbaasa ngiɓoor of fa den, a njiƭit xa sadaxand axe wo soo a mbarit duleer we wo laƥ. Mi doŋ yoqatu, too kaa mbaaƭaa naa da mbartaxama sax.»

1 Maad we 17:1

Eliya fee gen’ina na saate faa Tisbi kam Galaad, a laya o maad Ahab ee: «Ne ta wooritna yee o Yaal oxe Roog fee Isra’el oxe ñoowaa, ten fee refuuma o tag um, neene a woortu yee na xa kiid axene na ngaraa jegkee a liim, a teƥ ne’aand, a refangee mi layun.»

1 Maad we 13:1

O kiin Roog oxaa o Yaal oxe a hebil’ina a inoora Yudaa, a gar Betel, a soƥ Yerobowam a ref no sadaxand ole, a doxaa cuuraay fee.

A lim ale 12:6

A laya a den ee: «Nan-gilooxyo a paax fa lay es! A jegangaa a ndeer nuun o tuleer, no mbeeñax um laltinoorkan, mi o Yaal oxe, lay fo ten no ƭaaɗ.

Heseki’el 17:2

«Wo fee o ƥiy no kiin, cooxti a nax-o-gut, lay we no mbind Isra’el a naxax.

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

A paɗax ale 23:42

No pes keene, fat nu ngen kam ƭiif, nuun Ii-isra’el we fop,

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.