Hoose 11:9 - NQAARIIT NE ROOG

⁹ Reefankiim fuux ɗomu le mi. Waasaam yaq fee fosooxan’oonga, wo Efrayim, yaam Roog refum, refiim o kiin. Kaam ref o Tedu xe a ndeer of, garitkiim fuux.»

Hoose 11:9 Referans Kwoze

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Malaki 3:6

Mi o Yaal oxe, suptooxkiim muk, too nuun we xa taan Yakoob, nu suptooxee.

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

2 Sami’el 20:10

Amasa yeg’ee yee Yowab a saq’a laƥ no ɓay um o janoon. Yowab a diba a Amasa no fud boo laaw ke a ƥaxoox a lanq. Naaga, Amasa a xona, too Yowab soxla’’atee o ɓaatanin ndib lakas. Cinj kaaga, Yowab fo o maag um Abisay a ndakooxa o nqot a ƭat, a ndaabik a Seeba fee o ƥiy Bikri.

Esayi 48:9

Kaam dam fuux es yaam gon es. O ndam es taxu um wuus a nuun, fañ o saŋik a nuun.

A kim a tedu ke 78:38

Ten oxe mayna yirmande o mat a waasantooga tooñ den, a fañat o saŋik a den. A yooɓ’a o ɓoosdandaa fuux um soo a riimin fuux ɗomu le ten,

1 Sami’el 26:8

Abisay a laya a Dawid ee: «No yeng olene, Roog a ɓoxota o pañ of na xa ƥay of. Xaƴaam, um rengin a lanq fo a salma le ten. Ndib leng kut a deya, soxla’kee um ɗikandaa.»

A cangatin ale 13:17

Fat nu mbokat kalal ke fop na baayo fee na teeru fee, cinj kaaga nu ndaaɓin fa teeru fee fop. Xan a ref nen sadax faa doxaneena o Yaal oxe Roog nuun. Fat o mbiñ onqeene a refat juum kefatin boo kili, too baa maxatinel boo muk.

A kim a tedu ke 46:5

O xuluɓ ole fo a ƈufnand um kaa ƭaayandaa teeru fee Roog, kenand tedu ke no xe Took-ee-took.

Esayi 5:24

Ten taxu ne aal fiɗel a raaɓtaa sañ mbeeru fo ne boob laa jooreena no ƈulfaan a sooytaa, neene a paƴ den a mbotitkaa, soo piɗ den a pasaroor nen fo ut, yaam kaa da mbañ a cangin ale no Yaal oxe Hupna fop soo a nqeef fa lay fee no Tedu xe Isra’el.

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

Esayi 41:14

O Yaal oxe kaa tee: «Ba o saɗar dara, wo Yakoob fee na xalaataa yee refiro tus, wo yoqatin fooreer le Isra’el, yaam mi na ƴufgang, mi o Tedu xe Isra’el na watkang.

Esayi 41:16

Xan o fees a den, nqeñ ne a maƥ a den, a und ale a pasar a den. Wo o mat, xan o felakinoox no Yaal oxe, fakoorit o Tedu xe Isra’el.»

Yeremi 26:3

Xeƈa xan a nan-giloox, a mbes a cinj a ƭat a paaxeer den. Maaga, xam ricoox paaxeer ke yuuɓan’uuma a den yaam kañaan ne na pi den.

A kim a tedu ke 85:4

Waasaa fuux of fop, fuux maak le wo a ɓoosa.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.