Hoose 11:8 - NQAARIIT NE ROOG

⁸ «Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Hoose 11:8 Referans Kwoze

Yeremi 31:20

O Yaal oxe kaa tee: «Ndax Efrayim kaa refee o ƥees onqe fexuuma fex, o njaaƈ onqe na ɗaaynooraxam? Nuu um maaltan, kupun moƴanum o wetandooxaa. Ten taxu kam es a dala no ten, um yirmin tigi.»

Mace 23:37

«Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokatta xa ñeek um yoora a nafir um, too nu mbañ!

Hoose 6:4

Um doon a den ee: «Wo Efrayim, ndi xar um fi’kang? Wo Yudaa itam, xar um fi’kang? O mbeq nuun kaa nand nen eel nqes, a nand fo a liim ale na yenaa no njeeƈ-tanqin.

A cangatin ale 32:36

O Yaal oxe xan a ɓoxot xeet um ɓur, a yirim dag um, yaa ta ga’na yee doole den a naaga tak, fop a fagat.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Piyeer 2:6

Roog a hate’a teeru ke Sodoom fa Gomoor, soo a tasit a den fiɗel. Neene, a cooxa we ndeefeeruuna a lalgand ee neene a refitkaa na den itam.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.

A ƭomatax ake 1:20

O Yaal oxe, ga’angi naqad fee reftuuma! Laaw ke mi owe mbaƴaa, xeeñ es a nootoox taa kam es, yaam kaam siiknoor’u fa wo. Laƥ ne xe waraa xa ƥees no ped ke, soo a seel a fi’aa sabab no mbind ne.

2 Maad we 13:23

Kaa koy, o Yaal oxe a yirma a den soo a waasan a den yaam ngiɓoor ne ta dalin’ina fa Abraham fa Isaak fa Yakoob. Bug’ee o moocand a den, too boo xaye deɓee a den maa goƭuuna.

2 Sami’el 24:16

Ye malaaka fee a letinna o ɓay um took Yeerusaleem, ndax ta xawin, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna, o Yeeyebus oxe.

Haahate we 10:16

Maaga, Ii-isra’el we a mbatna roog can ke a ndeer den soo a ndagooxataa o Yaal oxe waag’ateerna o muñ coono ke den.

Mberaand 14:8

Maaga, o maad oxe Sodoom, oxe Gomoor, oxe Adma, oxe Seboyiim fo xe Bela refna ref Sowaar a mbokatoora soo a njagandooxanit a ñoq ale na yulanq alaa Sidiim.

Mbeeñil 18:18

Kaa mbuuqoogu ye da nga’na fo suun ole no dox ole ten ee: «E koon, teeru faa nandna nen a teeru fa maak feeke mosee o jeg muk!»

Mbeeñil 11:8

Maaga, xan xa tal den a liilel no nqel naa na teeru fa maak faa, maa o Yaal den a reng’eena. Teeru feene gon le Sodoom fa Misira a naxoorte.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Amos 7:6

Maaga, o Yaal oxe na refkaa boo faw a dakooxa o lay ee: «Waasaam ke yuuɓ’uuma.»

Amos 7:3

Maaga, o Yaal oxe a laya yee: «Waasaam ke yuuɓ’uuma.»

A ƭomatax ake 3:33

yaam refee yee o felin doŋ taxu ta neewandaa soo a naqadilaa xa ƥiy Aadama.

Yeremi 9:7

Ɗelem den a kas a baawar oo, naanaxir ƥor a layaa. Kaa salanaa o kend den jam, too yaaga fop oo mbog a ƭaapanun no xeeñ den.

Yeremi 3:12

Reti falaloox farna fo ɓemb-roog o janoon ee: ‹Nomtooxiidi, wo Isra’el fa ngore’aƭaru fee! Fuuxankiroong, yaam kaam may yirmande. Naagiim o geekaa fuux es boo cay. Mi o Yaal oxe layun.

Esayi 63:15

Me fodoona took asamaan, ɗeeti, no ngenand tedu mosu ne wo, ga’i ke na daliidaa a in. Taa o mbeq o saasu nqe wo boog fa katil fee wo fo o liir ole jegoona? O Yaal oxe, ba o ñak o lal a in o mbeq of,

A kim a tedu ke 106:45

A wetandooxa ngiɓoor um fa den, ndax ta jiriiñ a den, too a yirma a den no mbeq o maak um.

1 Maad we 3:26

Cer ke no tew oxe jeg’ina o ƥiy onqe na ñoowaa a naanga dayum yaam o mbeq o maak onqe ta jeg’ina no ƥeem. A laya o maad oxe yee: «Daali maad o yaal es, cooxeenoo o ƥiy onqe na ñoowaa, ngela ba nu mbarin!» O tew o lakas oxe mat a laya yee: «Mbandeenoo, neene jegkinum, jegkino.»

Esayi 16:11

Ten taxu kam es a gooy na Mowaab nen o nqilimb, xeeñ es a naqadiloox na Kiir-Heres.

Yeremi 18:8

Kaa koy, boo xeet feene a fesna a cinj ke taxna um fuuxanin, xam ricoox paaxeer ke yuuɓan’anuuma.

Yeremi 42:10

‹Nu saxangaa tigi no saax lene, xam maxatin a nuun nu ndefat xeet too yaqkatiim a nuun, xam jimb a nuun too fuurkatiim a nuun. Maaga, xam ricoox paaxeer ke fi’uuma a nuun.

A ƭomatax ake 3:32

A naqadilangaa sax oo, kaa mayaa fo o mbeq took yirmande um fa maak,

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Mise 5:3

Xan a inoox soo a gayit a den doole fee no Yaal oxe fo o magnel ole no gon le no Yaal oxe Roog um. Xan a ngenaa no yaadax, yaam xan a ɓoxotel o ndam boo no cat adna.

A cangatin ale 29:22

a nga suufur fo fo jem ole fo fiɗel le raaɓna saax le fop. Dara waagaand o duuf teen, o saxin teen tig ne’aand, daaƭ leng sax waagaand o ga teen. Xan a muukoor nen a Sodoom fa Gomoor fa Adma fa Seboyiim ndefna teeru ke o Yaal oxe a gef’ina tuƈ kam fuux um fo ngañak um.

2 Caloori ke 36:15

O Yaal oxe Roog fee no daan den a maƭoox’a a den teelu, a reefandin no duleer we ten, yaam a bug’u o yirim xeet um fo Ngenand ne ten.

Yeremi 9:6

Ten taxu keeke o Yaal oxe Hupna fop a layu: «Xam naayin a den nen njelem soo ɗeetloox a den, yaam xar helum o fi’an lakas a xeet es?