Hoose 11:5 - NQAARIIT NE ROOG

⁵ Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

Hoose 11:5 Referans Kwoze

Hoose 7:16

Kaa nomtooxiidaa, ndaa refee na mi fee Took-ee-took. Kaa ndef nen a qali yandu. Xan kelfa ke den a mbartel laƥ yaam fa lay fa maamagnandax den, soo da ndef calat no saax le Misira.»

Hoose 8:13

Xeet fee Isra’el kaa mbaraa muumeen kaa da sadaxaxam, soo a ñaamaa a tegeƴ ake, ndaa jaɓiim a den, mi o Yaal oxe. Ndiiki koy, wetandooxaam tooñ den too xam xaw a den yaam pakaad den. Xan a nomtoox cook Misira.

Hoose 10:6

Xan a ɓisel Asuur, ndax ta ref ɗang no maad o maak oxe. Xan gaci a dam a Efrayim, Isra’el a sed ɓot no yuuƥ ke ten.

Hoose 9:3

Efrayim yoqkee kam saax le no Yaal oxe, ndaa xan a nomtoox Misira, a ñaam kam Asuur ñaamel qoolaƭaru.

Amos 5:27

Ten taxu xam fi nu ƥisel took o hup doole kaltaa Damaas.» Keene mat o Yaal oxe gon um a refna Roog fee Hupna fop a layu.

Amos 4:6

«Ten taxu um roxan a nuun biim na teeru fuu refna, mbind oo mbind, um lup maaga o ñak ngaak, ndaa dara teen taxee nu naang cook nomtooxiid me mi. Mi o Yaal oxe na refkaa boo faw layun.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Hoose 6:1

«Ngaryo i nomtoox maa no Yaal oxe, yaam a saara a in, ndaa xan a wodand a in. A fada a in, ndaa xan a laxasan a in a uut ake in.

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

A cangatin ale 17:16

O maad oxe nuun waree o jeg pis mayu mbaat ta hebil wiin um da njikantikin Misira, yaam o Yaal oxe a laya a nuun ee nu mbaratee o nomtoox no saax leene.

Amos 4:11

Gal’andaam a nuun nen a Sodoom fa Gomoor we gef’uuma tuƈ, nu mucit nen o rukit o suudte na fiɗel, ndaa dara teen taxee nu naang cook nomtooxiid me mi. Mi o Yaal oxe layun.