Hoose 11:3 - NQAARIIT NE ROOG

³ Yaag oo toox de, mi taatnu a Efrayim, too mi dam’un o ɓay, ndaa andee yee mi topatooxoogun.

Hoose 11:3 Referans Kwoze

Yeremi 30:17

yaam xam nomtong no wod-fo-ɓaal, wodand a uut ake wo, wo Siyoŋ, wo fee na xoyeel ‹o tew o buuse xe›, a ƭat no leng a yongeerna. Mi o Yaal oxe layun.»

A cangatin ale 1:31

fo na koƥ-a-ƥor alaa. Nu nga’a yee ne faap a meeɓtaa o ƥeem, neene o Yaal oxe Roog nuun a meeɓtu a nuun na ƭat ale nu ñaaƴna, boo neen nu mbadiidu no mbiñ onqene.›

A sutax ale 15:26

Keeke mat a layu: «Nu nan-gilooxangaam, mi o Yaal oxe Roog nuun, mbi cofu mbaambir es, ngay kebil es, nanan bargal es, xawitkiim a nuun a cir ake xawtuuma Miimisira we, yaam mi refu o baawaadin nuun, mi o Yaal oxe.»

Hoose 7:15

Mi yaru a den, saƭkand a den, ndaa paaxeer ƥor a yuuɓanaxam.

A pi ake 13:18

A muñanooga a den boo xa kiid qarɓeen nahik na koƥ-a-ƥor alaa,

Hoose 14:4

Asuur mucilkee a in, i ngoolooxkatee pis too i laykatee ke xa ƥay in a njalna yee: ‹Roog in!›, yaam me wo soom o waan ole a daawtaa o mbeq.»

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Hoose 2:8

Ten taxu xam wegit a ƭat um taxas kiƈ, widnin o ɗiiɗing, ndax suurkee na ƭat um.

Esayi 63:9

Kam naqad den fop, refee oxaa luleena mbaat malaaka, ndaa mukit um sax sax muclu a den. Ten fa xoox um a wata a den no mbeq um fo na yirmande um. A meeɓa a den soo a gadoox a den no ñaal ke yaaga fop.

Esayi 46:3

Nan-gilooxaamoo, nuun mbind Yakoob, nuun yoqatin we na xeet fee Isra’el, nuun we teeteeluuma yaaga nu numaa, gadoox a nuun yaaga nu sogeel o ndim.

Esayi 30:26

A qoolaand ale na qoor ale xan a nandat fo ale no njeeƈ ne, soo ale no njeeƈ ne a ɓaatoox a caf ɓetaa ƭaq boo nen a qoolaand ñaal ɓetuu ƭik, a koom alaa o Yaal oxe a laxaskaa kaañax ke na xeet um soo a wodand a uut ake na pad ake ta fadeena.

A sutax ale 23:25

Mi fee o Yaal oxe Roog nuun soom nu mbaru o ƥoxot tedaanga. Yaaga xam barke a nuun, ci a nuun ñaamel fo yerel soo saytoox a nuun na cir ake.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

A cangatin ale 8:2

Fat nu mbetandooxaa a ƭat ale o Yaal oxe Roog nuun a xotnoorna a nuun fop kam a koƥ-a-ƥor ale na xa kiid qarɓeen nahik axeene. A doona a nuun coono mayu, ndax ta ɗeetloox a nuun boo a ga ke refna kam a qeeñ nuun, a and ndax nu mbuga ndeef kebil ke ten, ndax nam.

A sutax ale 19:4

‹Nu nga’a ke fi’uuma Miimisira we, mi o Yaal oxe, fo ne waxoortuuma a nuun boo me mi ne a canjiik a waxoortaa xa ƥeem.

A kim a tedu ke 107:20

A hebliida fa lay um, a wodandtin a den, a suudit a den na fa nqon fee.

A cangatin ale 33:27

Roog fee na refkaa boo faw refu njaɓnooxand of, a naax ake na ndefkaa boo kili a ndeegooxong. Ten na raxaa fañ we mbaambir of soo a heblong o moocand a den.