Hoose 11:2 - NQAARIIT NE ROOG

² Kaa koy, lakas a nqoyaan, ta fesaam ndiiñ, a ɓoxotaa a Baaliin sadax, a doxanaa nitaal roog ke cuuraay.

Hoose 11:2 Referans Kwoze

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

Yeremi 18:15

Yaag oo toox de xeet es a mbeecaxam. Kaa da ndoxanaa cuuraay pangool kaa na tolofnooraa a den na ƭat den, na qal cosaan den, ndax da nqot fo ƭat fo a ƭat akaa mbiisaandeena.

Esayi 65:7

Mi o Yaal oxe, mexe layan ee: Xam rabdandoor tooñ den fop fo tooñ ke no daan den, den we ndoxoogna cuuraay took xa coong axe, a mbenaxam took a ñaang ake. Neene, xam rabid a den a pesoorooƭ den ale yaaga too hendkiim teen dara.»

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

YEGIL MBAAX NE YEESU ne Saŋ a bindtuuna 3:19

O nanangaa hate faaga koy, kaa ye a qoolaand ale a garna na adna fee, wiin we kaa nqaƴin, a njil o niɓaan ole, yaam a pi den kaa mbaaxaƭar.

YEGIL MBAAX NE YEESU ne Lik a bindtuuna 13:34

Yeerusaleem, Yeerusaleem, wo fee na saŋkaa duleer we, wartaa a kac we luliideena me wo, a caf a mayu bug’aam o fokat xa ƥeef ne a cek a fokattaa xa ñeek um yoora a nafir um, too nu mbañ!

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Yeremi 35:13

«Keeke o Yaal oxe Roog fee Isra’el Hupna fop a layu: Reti o lay wiin we Yudaa fo we ngenna Yeerusaleem ee: Ndax kaa nu nan-gilooxkee fa lay es, njaɓ o maƭooxel? O Yaal oxe layun.

Nehemi 9:30

Muñanaa a den boo xa kiid xa mayu, maƭoorit a den Yiif of, na pexey duleer of, ndaa nan-gilooxee. Maaga, ɓoxotaa a den na xa ƥay no qeet can ke.

1 Maad we 18:19

Ndiiki koy, lulti fokatanel xeet fee Isra’el fop paam es no joong ole Karmel fo duleer teemeed nahik fo duleer qarɓeen ƥetik we Baal, den fo duleer teemeed nahik we Asera na ndeeraa fa Isebel o roon.»

1 Maad we 12:33

No ñaal xarɓaxay fo ñaal ƥetkandeer ne no nqool o ɓetuu ndadkandeer onqe, Yerobowam a reta no sadaxand olaa ta fi’’ina Betel. Ten jilood’u bes feene, ndax ta fi’an teen Ii-isra’el we ndoofeen soo a ŋaay no sadaxand ole, ndax ta dox cuuraay fee.

Haahate we 10:6

Ii-isra’el we a mbi’ahina kaa faaxeerna na kid no Yaal oxe: Kaa mbaɗooxoogu a Baaliin, Astarteyiin fo roog ke no Aa-araam we, ke no Siisidoŋ we, ke no Moomowaab we, ke no Aa-amon we fo ke no Fiifilista we. A mbaasa o Yaal oxe, a mbañatin o ndagoox.

Haahate we 3:7

Ii-isra’el we a mbi’a kaa faaxeerna na kid no Yaal oxe Roog den, a mbeecit o Yaal oxe Roog den soo a mbaɗooxaa a Baaliin, Aserayiin.

Haahate we 2:13

A mbaasa o Yaal oxe soo a mbaɗooxaa a Baal fa Astarteyiin.

Sakari 1:4

Ba nu nand fo daan nuun we duleer eetaand we a layoogna yee: Keeke o Yaal oxe Hupna fop a layu: Mbesyo a cinj a ƭat a paaxeer ake nuun, mbaas a pesoorooƭ nuun a paaxeer! Kaa koy, nan-gilooxee, too a ƭat den yongee na mi. Mi o Yaal oxe layun.›

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Yeremi 44:5

Kaa koy, nu nan-gilooxee, nu ndungee nof nuun, ndax nu mbaas paaxeer ke nuun, mbañ o ndoxan cuuraay roog can ke.

Hoose 4:17

Efrayim a hiɓoora fo pangool ke. Xaƴeen!