A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.
Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.
Xan da ngen kam saax le ci’uuma a Yakoob fee o tag es, too daan den a ngen’un. Xan da ngen teen boo faw, den fo xa ƥiy den fo xa taan den. Dawid fee o tag es xan a ref o kelwaar den boo kili.
Cinj kaaga, fat o lay a den ee: Keeke o Yaal oxe na refkaa boo faw a layu: Xam sutit Ii-isra’el we a ndeer qeet ke da ndet’ina, fokat a den soo nomtiid a den no lanq ke den.
Xan a mbadtiid xa soroxole took o joong ole Siyoŋ. Xan a ƥaxooxiid farna fo paax ke o Yaal oxe a jagandanna a den: bele fee, biiñ fa nqas fee, diwliin fee, a ked ake fo xa siir axe. Den fa qoox den xan a nand nen a ƭing alaa sooreena, ŋeesooxkatee.
Taxar ke na koƥ ale xan a ndim soo lanq ke a njeg saxadel. Xan a ñoowaa no woor kam o fiisel den, too xan a and ee mi refu o Yaal oxe, yaa um ɓolkaa a celem ake no kadoor ke den soo wat a den no ɓay no we da ndagooxaa.