Hoose 11:10 - NQAARIIT NE ROOG

¹⁰ «Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.

Hoose 11:10 Referans Kwoze

Amos 1:2

Keeke refu ke Amos a layna: «O Yaal oxe xey a bumbtiidaa Siyoŋ, o ñuxur um a fangoortaa Yeerusaleem: A biinj ake fop a leeƥa, o jul ole Karmel a weer boo ŋayam.»

Esayi 31:4

Keeke o Yaal oxe a layaxam: «Ne njogoy mbaat o njogoy o njanglax a ŋuurtaa, ndax ta xoxit mbuufuɗag um na yaj no gaynaak waa inooxanuuna too naagee o diidaa xa buuq axe den, mbaat ta firiɓ yaam fangax le den, neene a refitkaa na mi fee o Yaal oxe Hupna fop, yaa um fudooxkaa took o joong ole Siyoŋ fo took ƴoong le ten, ndax um xire’it maaga.»

Yeremi 25:30

O Yaal oxe a layahinaxam ee: «Yegnanaam a den a ƭelem akeene fop soo ɓaat teen ee: ‹O Yaal oxe xe bumbtaa maaga took-ee-took, o ñuxur um a fangoortaa no ngenand tedu ne ten. Oxe bumbanaa o suufnand um, ne we na nduutaa xa tim ndaxar biiñ no nirand a njibnitaa xa buuq, neene a wuuqantaa fop we ngenna na adna fee.

Yeremi 31:9

Xan da nomtooxiidaa a loolaa, a nqeɗaa, too xam ɗoxaa a den, ɓakand a den farna fo a ƈufnand foofi ke, da nqot a ƭat a cagu laa da tolofitkeerna, yaam kaam ref faap Isra’el, soo Efrayim a ref taaw es.»

Esayi 64:2

yaa fi’oona com’andtu kaa i mboog’eerna. Koo fudooxiidi, ndax xa coong axe a ngirdoox mbaambir of!

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

YEGIL MBAAX NE YEESU ne Saŋ a bindtuuna 8:12

Yeesu a dakooxa o lay faan laa yee: «Mi refu a qoolaand adna. Oxuu reefaxama, ñaaƴkee no niɓaan, too xan a jeg a qoolaand o ñoow.»

Sakari 10:12

Xam fi xeet es a njeg doole, a ñaaƴaa no gon es. Mi o Yaal oxe layun.»

Sakari 8:7

Xam muclit xeet es no saax le no batand fo no le no mudand.

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Mise 4:5

Ke qeet ke fop a ñaaƴaa ñaaƴ no gon roog den fop oo, in o mat kaa i ñaaƴaa no gon no Yaal oxe Roog in ndiiki bo na moos boo moos.

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Amos 3:4

Ndax njogoy a naaga bumbaa kam o joc, too ga’ee mbuufuɗag? Kaam ee, ndax njogoy njanglax a naaga ŋuuraa no nqanq um, too pokooxee dara?

Hoose 3:5

Cinj kaaga, Ii-isra’el we xan a ngeleeroox, a mbaaƭ o Yaal oxe Roog den fo o ndaan onqe Dawid fee o maad den. Xan a sendaa, yaa da matiidaa o Yaal oxe fo o paaxel um no camaane ke na ngaraa.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

Yeremi 5:22

Ndax kaa nu saɗarkiraam? Mi o Yaal oxe layun. Ndax nu sendkee mbaambir es? Mi fiisanu o maag ole me ta warna o day, o hakand olaa ta jolkeerna boo muk! A yag-ee-yag ake ten kaa njiqtooxaa, ndaa mbaagiran o ƈaktoox, a ndititaa, ndaa mbaagiran o njol.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Esayi 49:10

Nqeexkataand too ngoɗomkataand, mbooyo ne mbaat njeeƈ ne ñaatlandkatee a den, yaam oxe yirimna a den na refkaa o kaynaak den, too xan a ɓakand a den na cur foofi.

Esayi 42:13

O Yaal oxe xe ɓeriidaa nen a salma-koor, a fapooxan a ñoq ale nen o qiixire soo a jibin o wuuq xire o jegu doole, a maaf fañ um.

Esayi 2:5

Nuun we xa taan Yakoob, ngaryo i ñaaƴ na qoolaand ale no Yaal oxe.

A kim a tedu ke 119:120

Cer es kaa sendaa, yaam o diidlandaam, um saɗar kate of.

A kim a tedu ke 2:11

Mbaɗooxyo o Yaal oxe fo caƭar, send mbaambir um too njeg teen o ɗaay.

Ke bindeena no xe ne’eena YOB 37:1

Um nanangaa ƭuuɗ ne Roog, kaam sendaa ne fodeema fop, o laaw es a ret.

Mbeeñil 10:3

Naaga, a falalooxa a maak nen njogoy naa na bumbaa. Ye ta falalooxna, ƭuuɗ ɓetuu ƭik ke a mbangooxa, a njaaɓanin.

Esayi 66:2

Keene fop o ɓay es fi’un, too neene a sakoortu. Kaa koy, ke haalaxama refu o toroxu xe gooyna, a nan-gilooxaa fa lay es fo diid soo a sendaa.

Esayi 66:5

Nan-gilooxyo ke o Yaal oxe a layna, nuun we na sendaa yaam diid yaa nu ndaawna fa lay um: «Fog nuun we sibna a nuun soo a ndaxaa a nuun yaam gon es kaa nqaadnoortaa a nuun ee: ‹Fat o Yaal oxe a lalit o ndam um, too yaaga xan i nga o ɗaay nuun!› Ndaa kañ, den o mat na neewandkeel.»

Heseki’el 26:16

Gelwaar we no maag ole fop xan a mbudoorit na tungul ake den, a mbol lori ke den, a ƥool toki kemeñe ke den, a may fo diid, a moof a lanq, a ngen no sendaa, a njaq no taamaala ke na ndalkang.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Yeremi 50:4

Na pe akaaga fo na jamaane faaga, Ii-isra’el we fo Yuuyudaa we xan a nomtooxandooriid. Mi o Yaal oxe layun. Xan a ñaaƴaa a loolaa, a mbaaƭaa o Yaal oxe Roog den.

Sakari 10:10

Xam nomtitiid a den no saax laa Misira, korolit a den Asuur, dalnatin a den boo no saax le Galaad, a jof Libaŋ, da siw boo o genand a ɓoowaa a den.