Hoose 11:1 - NQAARIIT NE ROOG

¹ O Yaal oxe kaa tee: «Yaaga Isra’el a refaa o ndeɓandoong, fexaanum too xoytaanum Misira, ten fee o ƥees.

Hoose 11:1 Referans Kwoze

Mace 2:15

A moofa maaga boo neen Herood a xonu, ndax ke o Yaal oxe a lay’ina, a reefandin no tuleer oxe a fadnoox: «Xoytaam o ƥees Misira.»

A sutax ale 4:22

Fat o layanaam a Firawon fee yee: ‹Mi o Yaal oxe na layaa fa wo. Xeet fee Isra’el refu taaw fa ngoor es.

Hoose 13:4

O Yaal oxe kaa tee: «Mi refu o Yaal oxe Roog nuun sutitna a nuun Misira. Nu andee a roog fa lakas faa jolna mi, too jegee o Muumucil oxaa refeerna mi.

Hoose 2:15

Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

Yeremi 2:2

«Reti o yegin a Yeerusaleem kene: O Yaal oxe kaa tee: Kaam wetandooxaa ne gore’it’oona na mi, ye o refaa o ndeɓandoong, ne bugit’axamoona ye o refaa o toog es, ne reeftoogaxamoona na koƥ-a-ƥor alaa, no jegel olaa dara a saxkeerna.

Malaki 1:2

O Yaal oxe kaa tee: «Kaam fex a nuun», soo nu laamtaxam ee: «Na xar fexo a in?» um doon teen ee: «Ndax Esawu reeƭee o maag Yakoob? Yaag oo toox de, kaam fex a Yakoob

Hoose 12:13

Yakoob a ƴufa no saax laa Araam, o tew a jaranin ta jalanaa o koor o lakas, a gayaa a ked um.

Heseki’el 16:6

Reefaam paam of, ga’ong o luuñaa kam fo’oy of soo um layong ee: Ñoowi ke refoona kam fo’oy of fop oo! Kaam ee: Ñoowi ke refoona kam fo’oy of fop oo!

A cangatin ale 7:7

«O ga’angaa o Yaal oxe a damoox na nuun, a doon teen a jil a nuun, refee yee yaam kaa nu moƴ’u o may qeet lakas ke. O ɗeetangaan fo qeet lakas ke sax, nuun moƴu o neew a den.

Hoose 12:9

layaa yee: ‹No ndigil, jegataam halal, fokatanoox a kamba! Kaa koy, kaam onjin, jegtinum na ƭat a qeleer.›

A sutax ale 4:23

Ten taxu mexe layang ee xaƴi o ƥees onqene ta faɗookaam. O fañangaan o xaƴ koy, xam saŋik taaw fa ngoor fee wo.› »

A kim a tedu ke 129:1

A kim no ñaañaaƴ we yoo. Ñagadileem ƭomu no kaa xotitna no ndeƥandoong es – fat Isra’el a lay neene –

Yeremi 12:7

O Yaal oxe kaa tee: «Waasaam mbind es, pilid xeet fee jeg’uuma. Ɓoxotaam oxe fex’uuma fex na xa ƥay no fañ um.

Hoose 10:15

Nuun mbind Isra’el, keeke na dalkaa a nuun, yaam kañaan nuun ne ɓekna a sak: Boo mbeet ne a helko fo leelaa, o maad Isra’el refkatee meen.»

A sutax ale 19:4

‹Nu nga’a ke fi’uuma Miimisira we, mi o Yaal oxe, fo ne waxoortuuma a nuun boo me mi ne a canjiik a waxoortaa xa ƥeem.

A cangatin ale 33:3

O Yaal oxe kaa fex xeet um, tedu we ten fop a ndef no ɓay um. Kaa mbod na caf um, a ndaawaa fa lay um.

Esayi 43:4

Ne njigand of a maginna na kid es, o jaranaam mayu soo um fexong taxu um ɓoxot wiin lakas na seek of, soo softong qeet lakas.

Heseki’el 16:22

Kam ee kam cednooxu ke wo fop fo njaga of, wetandooxiro jamaane fee no ndeƥandoong of, ye yoqoona o ƥor, naag ƭuc soo luuñaa kam fo’oy of.