Hoose 10:8 - NQAARIIT NE ROOG

⁸ A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Hoose 10:8 Referans Kwoze

YEGIL MBAAX NE YEESU ne Lik a bindtuuna 23:30

A koom, xan wiin we a layataa xa coong axe yee: ‹Ngirdooxyo took in!› Xan a layaa a ñaang ake itam ee: ‹Muuryo a in!›

Mbeeñil 6:16

Naaga, a layooga xa coong axe fo a ƥil ake yee: «Ngirdooxyo took in, ndax nu laq a in mukit fee no Xe moofna no gamb no maad le, ngoƭatirand a in fo fuux le no Mbaal onqe,

Esayi 2:19

Ndokyo kam luf ke na xa coong axe fo kam qanq ke no lanq ke, ndax nu ƈuf katil saɗarnooxu ne no Yaal oxe, laqoox o magnel ole no ndam onqe ten, yaa ta inooxkaa, ndax ta yo’in adna fee.

Hoose 9:6

Yaa nu sutooxkaa saax le nuun raadna, Misira xan a dalin a nuun, soo poy ke Memfiis a ñaam a nuun. Kiƈ ke xan a njaɓ kalal xaaliis fa nqoolu ke nuun, soo qooc ke a sulit kam ƭiif ke nuun.

Amos 8:14

yaam kaa ndaaɓoortaa bakaad fee Samari yee: ‹Ndeer es fo xe na faɗooxeel Dan!› fo ‹Ndeer es fo o Cegu doole xe Beer-Seeba!› Ten taxu xan da yen, too inooxkatee muk.»

Esayi 32:13

Loolanyo lanq ke na xeet fee mi na saxaa tomb fo takar-ñiig, loolan itam pind ke ndefna no ɗaay fa teeru fa nqumbu fee.

Mbeeñil 9:6

Na pe akaaga, xan wiin we a mbaaƭaa fa nqon too nga’kiran. Xan a mbug o nqon, ndaa xan fa nqon a riƈatoox a den.

Mise 1:13

Nuun we ngenna Lakiis, nguminyo pis ke na sareet-xire ke, yaam nu mbakaadnoora a Siyoŋ o ndoog onqe, siiknoor ne Isra’el a faqaqoor me nuun.

Mise 1:5

Keene fop koy, tooñ ne Yakoob gartun, pakaad ke no mbind Isra’el! An ɓeku a Yakoob no tooñ neene? Mee ndax Samari yoo! An garu fo a ñaang a sadaxand ake Yudaa? Mee ndax Yeerusaleem oo!

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 10:2

Xeeñ den naanaxir ƥor a fofu. Ten taxu yoo xan a ngadoox tooñ den. O Yaal oxe xan a jiƭit xa sadaxand axe den, a duguñ a ƥil ake da mbaɗooxaa.

Hoose 5:8

«Njibinyo a tuluɓ kam Gibe’a, mbaŋin a luuƥ kam Rama! Njibinyo xa buuq xire kam Bet-Awen! Bensame, woxe daabeel de!»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Esayi 34:13

Kol ke xan a maakaa kam pind no maad ke ten, poɗaafoɗ ke fo takar-ñiig ke a saxaa no pind mosu ke ten. Xan a ref ngenand xa ƥox-a-koƥ fo yongand a ba.

2 Caloori ke 31:1

A cinj xew fee, Ii-isra’el we fop ndeeƭna maaga a ndeta kam teeru ke Yudaa, a ngef a ƥil a sexe ke, a seɓ xa taaƴ xa lupe xe Asera, a ngirid a ñaang a sadaxand ake soo a njiƭit xa sadaxand axe fop kam Yudaa fa Bensame fo itam kam Efrayim fa Manaase. Cinj kaaga, Ii-isra’el we fop a nomtooxa no teeru ke den, oxuu refna no mbind um.

2 Maad we 23:15

Yosiya a yaqa o sadaxand ole Betel reeƭna took ñaang sadaxand le, Yerobowam fee o ƥiy Nebat a maxin’ina, a bakaadnoortin xeet fee Isra’el. A doxa ñaang sadaxand le, a duguñ fop bo ta mok nem, soo a dox o daaƴ o lupe le Asera.

1 Maad we 14:16

Xan o Yaal oxe a deɓ xeet fee Isra’el, yaam ne Yerobowam a bakaadna soo a bakaadnoor a den.› »

1 Maad we 13:34

A pesoorooƭ aleene kaa reeƭu no ƥasil ne Yerobowam o wooƥ o bakaadir, too keene sax taxu da saŋkel soo a moocandel no lanq ke.

1 Maad we 13:2

A falalooxa o sadaxand ole, ne o Yaal oxe a simit’uuna o ten ee: «O sadaxand ole, o sadaxand ole, keeke o Yaal oxe a layu: ‹Xan o ƥiy o ngoor a rimel no mbind Dawid, too Yosiya a ne’keel. Xan a sadaxit took of saasadax we na ñaang a sadaxand ake na ndoxaa cuuraay took of, too xan xa kiiƈ no wiin sax a ndoxtel took of!› »

A cangatin ale 9:21

Jangaam o nqeel onqe garit’ina bakaad fee nuun, doxin riw, duguñin, mokandin bo tee rip soo ɓax ndaw ke na ƈufnand alaa na fudoortiidaa no joong ole.

Mberaand 3:8

Yaa yilmaan fee a yenaa, a nana o ñuxur ole no Yaal oxe Roog fee widoogna kam a ƭing ale. O koor oxe fo o tew oxe a ndalfooxa o ƭas kam taxar ke na ƭing ale ndax o Yaal oxe Roog ga’kee a den.

Hoose 2:6

Yirimkiim xa ƥiy axe ten, yaam xa ƥiy xa timte no njaga a ndefu.

Hoose 10:9

O Yaal oxe kaa tee: «Wo Isra’el, bakaadaa no kaa xotitna no ñaal kaa Gibe’a, too yaaga boo fa ndiik suptooxiro. Ndax xire fee daawitkee a nuun Gibe’a, nuun soxodu we?

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Nahum 3:11

Wo itam xan o way nep, gulum. Wo itam xan o waaƭ maa jaɓnookoona, ndax o daɗ o pañ oxe.

Esayi 2:21

a ndokik na semb ake na ƥil ake fo na baaƥ ake na xa coong axe, ndax da ƈuf katil saɗarnooxu ne no Yaal oxe, soo a laqoox mbaambir o magnel ole no ndam onqe ten, yaa ta inooxkaa, ndax ta yo’in adna fee.

Hoose 8:5

Nuun Saasamari we, ndeɓ o nqeel wurus onqe moƴ’u na nuun. Fuux es a biltooxana a nuun. Kaa nu nqoolaƭarkaa boo a mban?

Amos 1:5

Kaam ee xam ɓol a kinglir ake Damaas, oxe genna Bikat-Awen, um xuuf ñoot o ñis um, Bet-Edeen, um halak o maad oxe saqna o samb ole, Aa-araam we a ndefik faɗ no saax laa Kiir.» Keene o mat o Yaal oxe a layu.

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.