Hoose 10:5 - NQAARIIT NE ROOG

⁵ We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Hoose 10:5 Referans Kwoze

Hoose 9:11

O ndam onqe Efrayim xan a yet fir nen ndiiƭ. Jegkatee fa ndim, saq tig ne’aand, too rok o fud jegkatee.

Hoose 5:8

«Njibinyo a tuluɓ kam Gibe’a, mbaŋin a luuƥ kam Rama! Njibinyo xa buuq xire kam Bet-Awen! Bensame, woxe daabeel de!»

Hoose 4:15

Wo Isra’el, o jimbooxangaa no njaga, baa Yudaa a xawnoor a xoox um, yaa ta fi’na leng kut ke. Ba nu ndet Gilgal, kaam ee ba nu ndet boo Bet-Awen, ndaaɓoorit maaga yee: «Ne ta wooritna yee o Yaal oxe xe ñoowaa!»

2 Maad we 23:5

Yosiya a raxa saasadax we maad we Yudaa a ndalin’ina, ndax da ndoxaa cuuraay took a ñaang a sadaxand ake kam teeru ke Yudaa fo me widna a Yeerusaleem. A raxa itam we ndoxanoogna cuuraay a Baal fo njeeƈ ne fo o nqool onqe fo xa qoor xa ƭeetir axe fo xa qoor axe na asamaan fop.

Hoose 13:2

Ndiiki koy, owe maad o mbakaadaa. A njalna o daaƴ o jawne fa xaaliis fee den, pangool kaa da nqalaatanna a qoox den. Fop kaa ndef kaa o kiin o baane’u a jalna. A laye kaa jofna na Efrayim ee: «Kaa da sadaxtaa wiin, a mboonaa fo nqeel!»

A pi ake 19:27

Keene koy, xeefnoorkee calel ke in soom. Kaa koy, xan a maaf o magnel ole no mbind-sadaxand ne Artemis fee refna roog fa ndew fa maak fee. Roog feene wiin we no jegel ole Asi a mbaɗooxaa, too adna fee fop na mbaɗooxan sax.»

Sofoni 1:4

Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.

2 Caloori ke 11:15

Yerobowam kaa jilan’u a xoox um goor da ndef saasadax we no nitaal roog sexe ke mbaɗooxoogeena na ñaang a sadaxand ake too a saxit’u nen a suk pambe mbaat nen fo nqeel.

2 Maad we 17:16

Kaa nqaƴ kebil ke no Yaal oxe Roog den fop, a njawan a qoox den nitaal fo nqeel fo ƭik, a sip xa taaƴ xa lupe xe Asera, a ngungaa mbaambir xa qoor axe na asamaan soo a mbaɗooxaa a Baal.

2 Maad we 10:29

Kaa koy, Yehu a damooxa no pakaad ke Yerobowam fee o ƥiy Nebat a bakaadnoortoogna xeet fee Isra’el, refna a paɗax ale na xa qeel wurus xa ƭaq axe ta sip’ina Betel fa Dan.

Haahate we 18:24

A doona yee: «Nu njanga roog ke jalin’uuma, ƥis o saasadax oxe soo ndet. Xar yoqɗatum koy? Nam nu mbaagaxam o laamtit boog ee: ‹Xar xewɗo?› »

Yosuwe 7:2

Yosuwe a lulta goor Yeriko, ndax da ngorook teeru fee Ay refna no batand naa Betel paam Bet-Awen. Ye weene a ngorooxuuna,

2 Caloori ke 13:8

Ndiiki koy, kaa nu njeemaa o siiknoor fo maat ne o Yaal oxe a doxinna xa taan axe Dawid. Kaa nu mbi a yaj no xiixire cegu doole soo ngadoox fo nqeel wurus ne Yerobowam a fi’’ina da ndef roog nuun.

Esayi 46:2

Roog keene kaa lomoƴooxaa soo a ngooknoox, too mbaagee o mucil suf ne no cegel keene. Den fa qoox den no mbaƭ a njofaa.

Hoose 9:1

«Isra’el, ba o felakinoox, ba o ref no ɗaay nen qeet lakas ke, yaam kaa o waas a Roog of, jaga’aa soo fex ndabid nqooleer no cukand bele ke fop.

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.