Hoose 10:4 - NQAARIIT NE ROOG

⁴ Maad we den xa koɓong a layaa, a ndaaɓooxaa na xa maaƥ, a ndalnaa kiɓoor, a pi o cofel, da mbi’in o ndoxom kam a cur ake na xa qol axe.

Hoose 10:4 Referans Kwoze

Amos 6:12

«Ndax pis a naaga ƴufneel kam a ƥil? Ndax o kiin a mosa o humin naak a xooxik o maag? Ten nu mbi’u toox de, yaam kaa nu tax gon o cofel a sibel, a pi o cofel nu mbi’in xa tim ndali.

Amos 5:7

Kaa nu naɗ o cofel ole boo ta refat xa tim ndali, ngeleeroox ndakan.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

2 Timote 3:3

a ñak o liir, a mbañ o mbaasantaa, a ƥanjaa lakas we. Mbaagkee o ngarin a qoox den, a yedin, a mbañ ke faaxna.

O leetar ole Pool a bindna GIMU WE NGENNA ROM 1:31

Kaa nqon a yiif, ndeyaand o ngooloox, a ñak o njek fo o liir.

A pi ake 8:23

yaam ga’aam ee kaa o xaaɗ xut, soo ref o paɗ bakaad.»

Hoose 6:7

Nuun koy, nu ƭega ngiɓoor ne nen a Aadama, nen o ten o mat nu ngodtaxam.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

A cangatin ale 29:18

Ba o leng boog a nan fa lay feeke boo a ƴut no ngiɓoor ne saƭkandteena a taaƥ soo a magnandooxaa no xeeñ um ee: ‹Xam ref na jam kañ, a soƥangaa sax ee kaam reefaa ke xeeñ es a yuxmaa.› Keene xan a garit a saŋkax no fop, faax oo, faaxeer oo.

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›