Hoose 10:14 - NQAARIIT NE ROOG

¹⁴ Ten taxu xan combol a jeg a ndeer xeet nuun, soo saŋe ke nuun fop a yaqel, ne Salmaan a gefit’ina a Bet-Arbel a koom alaa fa xire fee, maa yaay a duguñit’eena fo xa ƥeem.

Hoose 10:14 Referans Kwoze

Habakuk 1:10

Kaa da nqaadnooxaa maad we, gelwaar we a ndef calat den. Kaa ƭeq-ƭeqnaa saŋe nuu refna, a njuumaa a uum lanq a songir paam um soo a njaɓin.

Nahum 3:12

Saŋe ke wo fop kaa nand nen tun kaa saqna xa tun xa poorateel. Oxe bugna ñaam a den a yo’nangaa ndaxar ne rek, da yen kam o don um.

Nahum 3:10

Yaag oo toox de, we ngen’ina teen a ƥise gilaa saax took o hup doole, a ndamel mbaƭ. Xa qeq axe ten kaa nduguñ’el no kooñ ke no ped ke fop. Kelfa ke ten a lasre na pexey mbanjang ne, wiin maak we ten fop a njengel.

Amos 9:5

O Yaal oxe na refkaa boo faw Hupna fop, kaa doonaa nqol um took lanq ke, fop a yo’noox, adna fa muum a njaañoox, lanq ke a kuf-kufin nen o maag o riñu, a ŋiisin nen o xuluɓ ole Misira.

Amos 3:8

Njogoy naa na bumbaa, an a diidlandeeru? Layangaamoo! Neene mat a reftu, o Yaal oxe na refkaa boo faw a layangaa, a feeñlin duleer um, an na den yegnitkeeru ke fosooxeena?»

Yeremi 48:41

Keriyot a jaɓe, saŋe ke a luƈtel. A koom, xeeñ le na salma-koor ake Mowaab xan a nand fo le no tew oxaa na gaajooxaa.

Esayi 33:14

Baabakaad we owe ndiidaa kam Siyoŋ, jofaƭaru we a sendaa, a ndamtin ee: ‹An na in na waagkaa o moof kam fiɗel le na raaɓaa? An na in na waagkaa o moof kam ƈulfaan ñufkeer ne?›

Esayi 17:3

Saŋe ke Efrayim xan a maafel, a maadax ale Damaas a ñuf, soo muj fee no ke na yoqkaa na Araam a nand fa fee no ndam onqe Isra’el. Keene o Yaal oxe Hupna fop a layu.

2 Maad we 18:33

Ndax no roog ke na saax a lakas ake a jega teen faa mucilna saax um no ɓay no maad oxe Asuur?

2 Maad we 17:16

Kaa nqaƴ kebil ke no Yaal oxe Roog den fop, a njawan a qoox den nitaal fo nqeel fo ƭik, a sip xa taaƴ xa lupe xe Asera, a ngungaa mbaambir xa qoor axe na asamaan soo a mbaɗooxaa a Baal.

Mberaand 32:11

andaam ee o paaxel of fo ngor of ne lalaxamoona fop a njombaxam, mi fee o tag of. Ye jootuuma o xuluɓ ole Yordaan, retaa, o loq es rek saq’um, ndiiki koy mexe refata a yaj a ƭak.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

2 Maad we 17:3

Salmanasaar fee o maad oxe Asuur a gara, a songin, soo Hoose a ɓoxotoox no ten, a rabdatan a bateer.

Hoose 10:15

Nuun mbind Isra’el, keeke na dalkaa a nuun, yaam kañaan nuun ne ɓekna a sak: Boo mbeet ne a helko fo leelaa, o maad Isra’el refkatee meen.»

Amos 3:14

No ñaal naa o loq es a dalkaa took Isra’el, yaam um fel o jaf um, ta dak no paaxeer, xan a dal itam took xa sadaxand axe Betel, xa can axe da lupna took den a ƥoloox, a yen a lanq.

Mise 5:11

Xam ɓool no cer nuun xa nombo xe nuun, too nu njegkatee o ƭeet o leng.