Hoose 1:7 - NQAARIIT NE ROOG

⁷ «Kaa koy, xam yirim mbind Yudaa, mucil a den, mi o Yaal oxe Roog den, ndaa muclitkatiim a den a qali mbaat laƥ mbaat xire mbaat pis ke mbaat ŋaaŋaay pis we.»

Hoose 1:7 Referans Kwoze

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

2 Maad we 19:35

No yeng olaaga, malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

A kim a tedu ke 33:16

Refee yee a yaj no xiixire we na ci’aa o maad oxe o ndam, too jambaar fee, doole um fa mayu taxkiran o muc.

1 Sami’el 17:47

too xan faan lene fop a and ee o Yaal oxe soxla’ee laƥ mbaat a salma, ndax ta ci’it o ndam. Ten o mat jegu a ñoq ale, too xan a ɓoxot a nuun ndeer xa ƥay in.»

2 Maad we 19:29

Wo Hiskiya, keeke xan a refanong o anddiloor: Rend bele fa malu rek nu ñaamkaa, mbaand itam neen, ndaa mbaand-a-tiit nu mbaaga o nduuf too saxad bele nuun, nqoox a ƭing taxar biiñ nuun soo muudoor xa tim axe.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

Yeremi 25:5

Kaa lul’u a den da lay ee: ‹Mbesyo a cinj boog a ƭat a paaxeer ale nuun fo kañaan ne na pi ake nuun. Maaga, xan nu ngen no saax le o Yaal oxe a ci’na a nuun, nuun fo daan nuun, bo na moos boo moos.

Yeremi 25:6

Ba nu ngiɓoor fo roog lakas, ndax nu mbaɗoox a den, ngungaa mbaambir den, too ba nu mbuuxnoortaam nitaal roog ke nu njaloodna, yaaga fi’kiim a nuun paaxeer.

Yeremi 33:26

yaaga waagkoogaam o deɓ xa taan axe Yakoob fo axe Dawid fee o tag es, fañat o xotit na xa taan um waa na maadooxkaa took xa taan axe Abraham, Isaak fa Yakoob. Kaa koy, xam nomtiid we ƥiseena gilaa saax took o hup doole na den soo yirim a den.»

Hoose 1:8

A cinj ye Gomeer a fudinna a Loo-Ruhama, a rokahina o fud soo a ñoot o ƥiy o ngoor.

A sutax ale 14:13

Moyiis a doona xeet fee yee: «Ba nu ndiid. Moofyo o mbiñ o leng. Xaye xan nu nga ne o Yaal oxe a watitkaa a nuun, yaam Miimisira wene nu nga’aa, xaye nu ngijkataa o nga a den.

A sutax ale 14:30

Na bes faaga, o Yaal oxe a watu Ii-isra’el we na xa ƥay axe no Miimisira we, too den fop a nga’a xa tal axe no Miimisira we ngumboogna na tambando fee no maag ole.

2 Maad we 6:18

Aa-araam we a ngara me Eliise, soo ta xeɗ o Yaal oxe, a lay ee: «Kaam xeɗang o fuulin a yaj aleeke!» Maaga, o Yaal oxe a fuulna a den, ne Eliise a xeɗit’uuna.

2 Maad we 19:34

Xam saytoox a Yeerusaleem soo muclin yaam o niwel es fo ke reguuma a Dawid fee o tag es.› »

A kim a tedu ke 44:7

Dooniim a koolax es na qali es, too laƥ es naagiraam o ci’aa o ndam,