Hoose 1:4 - NQAARIIT NE ROOG

⁴ O Yaal oxe a laya a Hoose yee: «Ne’een ‹Yisre’el›, yaam a yoqa o ndik rek, xam inooxan mbind Yehu, xuuf maat ne kam Isra’el yaam fo’oy le ta ɓaxna kam Yisre’el.

Hoose 1:4 Referans Kwoze

Hoose 1:9

O Yaal oxe a laya a Hoose yee: «Ne’een ‹Loo-Ami›, yaam nu ndefee xeet es, too mi yoo refiim Roog nuun.»

Hoose 1:6

Gomeer a rokahina o fud soo a ñoot o ƥiy o ndew. Maaga, o Yaal oxe a laya a Hoose yee: «Ne’een ‹Loo-Ruhama›, yaam yirimkatiim mbind Isra’el, tee kaam waasanahinan.»

Heseki’el 23:31

Reefaa o jaf no maag of o tew, too mexe doonaa o feeƭ ole ten no ɓay of.

Heseki’el 23:10

Weene a nga’a cer ƥor um, a ndam xa ƥiy xa koor axe fo xa tew axe ten, soo ten o mat da saŋkitin laƥ. A refata o njapil o ƭeetoor no rew we, a gadnel a qaw ale.»

Yeremi 23:2

Ten taxu keeke o Yaal oxe Roog fee Isra’el a layu no gaynaak we na ngayaa xeet es: «Kaa nu pasar paal ke mi, ndax a den too nu topatooxee a den. Mi koy, xam ɓek a nuun o ɓay yaam a pi a paaxeer ake nuun. Mi o Yaal oxe layun.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.

Esayi 9:6

Sañ-sañ um kaa magin, too jam fee xan a gen cay took uum-maamaad le Dawid fo no maat um. Xan a sinjtel soo a saƭkandtel a ƭat fo o cofel, ndiiki bo na moos boo moos. Keene o mat o Yaal oxe Hupna fop a fi’kaa kam o mbeq o naalu nqe ten.

Esayi 7:14

Ten taxu o Yaal oxe fa xoox um xan a ci a nuun o anddiloor. Xan o toog oxaa andeerna adna a ref fo fud, too xan a ñoot o ƥiy o ngoor onqaa ta ne’kaa Imanu’el tekitna Roog oxey fa in.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

2 Maad we 10:17

Ye da mbadiidna Samari, Yehu a wara we yoq’ina no ƥasil ne Ahab fop too a ngen’u maaga. A moocanda a den bo dee tak, ne o Yaal oxe a layit’uuna a Eliya.

YEGIL MBAAX NE YEESU ne Saŋ a bindtuuna 1:42

A ɓisaan maa Yeesu itam. Yaa Yeesu a ga’uuna, a layaan ee: «Wo refu Simoŋ o ƥiy Saŋ, ndiiki koy, feranaaxong Kefaas.» (Kaa tekit ‹o ƥil›).

YEGIL MBAAX NE YEESU ne Lik a bindtuuna 1:63

Sakari a laaca a alfa, too a bind ee: «Saŋ a ne’e.» Yaa fop a nanna kaaga, a njaaxiɗ’a.

YEGIL MBAAX NE YEESU ne Lik a bindtuuna 1:31

Xan o ref fo fud, too xan o ñoot o ƥiy o ngoor. Fat o ne’in Yeesu.

YEGIL MBAAX NE YEESU ne Lik a bindtuuna 1:13

Kaa koy, malaaka fee a layaan ee: «Ba o diid Sakari, yaam Roog a jaɓa a qeƭ of. Xan o teef Elisabet a ñoot o ƥiy o ngoor, too fat o ne’in Saŋ.

Mace 1:21

Xan a ñoot o ƥiy o ngoor, too fat o ne’in Yeesu, yaam ten na mucilkaa xeet um no pakaad den.»

Hoose 9:17

«Roog es xan a deɓ a den, yaam nan-gilooxiran, too xan a njoqooyooxaa a ndeer qeet lakas ke.»

Hoose 2:22

Xam bugir fa wo no ngor, too xan o andaam, mi o Yaal oxe.

Hoose 2:13

Xam xuuf ke na felakinan fop, refna toofeen ke ten fo pumbaay ke ten no fo nqool fo ndeɓ ne, pes a ñootnax ke ten fo qew ke ten fop.

2 Maad we 15:8

No hiid qarɓeen tadik fo hiid o ɓetuu dadkandeer ole no maat Asariya kam Yudaa, Sakari fee o ƥiy Yerobowam reeƭatu o maad Isra’el. A maadooxa a qool ɓetaa fo leng kam Samari.

Yeremi 20:3

No feet olaa, Pasehuur a wokta a Yeremi na toɓand ale. Maaga, Yeremi a layaan ee: «O Yaal oxe xoykatirang Pasehuur, ndaa Magoor Misaabib, tekitna ‹diid le xey muu refna›.

Yosuwe 19:18

No fiisel den a jeg’a a Yisre’el, Kesulot, Suuneem

2 Maad we 10:1

Ahab a jega kam Samari xa taan qarɓeen ɓetuu ƭik. Yehu a lulta xa leetar kam Samari, maa no kelfa kaa Yisre’el fo no maak waa fo no waa yaroogna xa taan axe Ahab. Kaa bind’u kam xa leetar axe yee:

Esayi 8:3

Cinj kaaga, wondooxaam fo o tew oxe mi refna o tuleer Roog, ta rok fo fud soo a ñoot o ƥiy o ngoor. O Yaal oxe a layaxam ee: «Fat o ne’in Maheer-Saalaal-Haas-Bas,

Amos 9:8

Mi o Yaal oxe na refkaa boo faw fuuliim, a kid es kaa ndoonoox took saax leene na fi’aa cageer, ten taxu xam moocandin na adna, ndaa koy moocandkiim tak mbind Yakoob. Mi o Yaal oxe layun.