Hoose 1:1 - NQAARIIT NE ROOG

¹ Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

Hoose 1:1 Referans Kwoze

O leetar ole Pool a bindna GIMU WE NGENNA ROM 9:25

Keene sax, Roog a yegnit’aan no safe le no tuleer Hoose. Kaa lay’u yee: «Xeet fee reeƭeerna xeet es, xam xoyatin xeet es, we bug’eeruuma o doon a ngid, um xoyataa a den we fexuuma fex bo.

Mise 1:1

Keeke refu fa lay fee o Yaal oxe a daawinna a Mise fee gen’ina na teeru faa Moreset na jamaane Yotaam fa Ahas fa Hiskiya we maad Yudaa, ta ref mbeeñil naa jaginna na Samari fa Yeerusaleem.

Esayi 1:1

Safe lene kaa fof ke Esayi fee o ƥiy Amoc a feeñleena no maat ne Yudaa fo na teeru fee Yeerusaleem, na jamaane Usiya fa Yotaam fa Ahas fa Hiskiya ndeeƭna maad Yudaa.

Amos 1:1

Safe leeke kaa wetandooxaa ke Amos a layna, ta war o dal a Isra’el. Amos feene koy na saate fee Tekowa a gen’u, a ref o kaynaak, Roog a feeñlin keene na jamaane fee Usiya a refaa o maad Yudaa, Yerobowam fee o ƥiy Yehowas a ref o maad Isra’el, ta ref xa kiid xa ƭaq mbaambrand a yo’nax alaa no lanq kaa.

2 Maad we 15:32

No hiid o ɗikandeer ole no maat Peqah fee o ƥiy Remaliya kam Isra’el, Yotaam fee o ƥiy Usiya reeƭatu o maad Yudaa.

2 Maad we 14:16

Yehowas a daba daan um, a gasel Samari paam maad we Isra’el, soo Yerobowam fee o ƥeem a rondandin.

2 Piyeer 1:21

A ƭelem ake no duleer we Roog mosee o ngat no bug no kiin. Yiif Tedu le reeƭu oxe ɗoxoogna a den boo da layaa a ƭelem akaa inoorna na Roog.

YEGIL MBAAX NE YEESU ne Saŋ a bindtuuna 10:35

A layange kañ ee we fa lay fee Roog a doxneena roog a ndefu, e too a pind ake mbaagaand o sañit,

Sakari 1:1

No nqool o ɓetuu ndadkandeer onqe no hiid o ɗikandeer ole no maat Daryus fee o maad Persi, o Yaal oxe a daawna o tuleer Sakari fee o ƥiy Berekiya too a ref o ndaan Ido fa lay um na xa ƭelem axeeke:

Yoona 1:1

Keeke refu fa lay fee o Yaal oxe a daawinna a Yoona fee o ƥiy Amitay:

Yowel 1:1

Keeke refu fa lay fee o Yaal oxe a daawinna a Yowel fee o ƥiy Petu’el:

Heseki’el 1:3

fa lay fee no Yaal oxe a daawne a Heseki’el fee o ƥiy Buusi fee o saasadax, kam saax laa no Kaakalde we, paam o xuluɓ olaa Kebaar. Maaga mat, o ɓay no Yaal oxe a doonoorit’u took um.

Yeremi 1:4

O Yaal oxe a daawnaxam fa lay um ee:

Yeremi 1:2

O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

2 Maad we 13:13

Yehowas a daba daan um, a gasel kam Samari paam maad we Isra’el, soo Yerobowam a rondandin.

2 Maad we 14:23

No hiid xarɓaxay fo hiid o ɓetkandeer ole no maat Amatsiya fee o ƥiy Yowaas too a reeƭu o maad Yudaa, Yerobowam fee o ƥiy Yehowas reeƭatu o maad Isra’el. A maadooxa xa kiid qarɓeen nahik fo o hiid o leng kam Samari.

2 Maad we 15:5

O Yaal oxe a xawta o maad Asariya a tik a maak, too ten a refit’u boo neen a xonu. No mbind naa sayooxna a gen’atu, soo Yotaam fee o ƥeem adooxan’ina mbind no maad ne a ɗoxaa xeet fee no saax le.

2 Maad we 15:7

Asariya a daba daan um, a gasel na ƥak ale Dawid, soo Yotaam fee o ƥeem a rondandin.

2 Caloori ke 27:1

Yotaam a jeg’a xa kiid qarɓeen ƭik fo xa kiid xa ƥetaq ye ta sogna refaa o maad. A maadooxa xa kiid xarɓaxay fo xa kiid ɓetaa fo leng kam Yeerusaleem. Ya um Yerusa a ne’’e, a ref o ƥiy Saadok.

2 Caloori ke 28:1

Ahas a jeg’a xa kiid qarɓeen ƭik ye ta sogna refaa o maad. A maadooxa xa kiid xarɓaxay fo xa kiid ɓetaa fo leng kam Yeerusaleem. Fi’ee kaa faaxna na kid no Yaal oxe, ta guutatir fo ne o taan um Dawid a fi’it’uuna.

2 Caloori ke 29:33

Sadax lakas ke a ndeeƭa qoox teemeed ɓetuu fa leng fo paal fo pambe cuni tadik,

Esayi 7:1

Ye Ahas fee o ƥiy Yotaam refna o ƥiy Usiya a refaa o maad Yudaa, Resin fee o maad Araam a yoona fa Peqah fee o maad Isra’el reeƭna o ƥiy Remaliya, ndax da songik a Yeerusaleem, ndaa mbaag’iran o maaf.