Heseki’el 9:9 - NQAARIIT NE ROOG

⁹ A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›

Heseki’el 9:9 Referans Kwoze

Heseki’el 8:12

Roog a layaxam ee: «Wo fee o ƥiy no kiin, ndax ga’aa ke maak we no mbind Isra’el a mbi’aa no niɓaan ole, oxuu refna kam a ndok pangool um? Kaa da layaa yee: ‹O Yaal oxe ga’ee a in, a waasa saax le pelek.› »

Ke bindeena no xe ne’eena YOB 22:13

Kaa o layaa yee: «Xar Roog a andu? Ndax a waaga o hate, too a eel a niɓu a ndeerin?

Heseki’el 7:23

Xawi ceen yaam saax le kaa may muut fo kate yednu, teeru fee a naag tem fo a ƭom-yedar.

Yeremi 2:34

Fo’oy le no toroxu we mbi’eerna dara oxey na xa lifar axe no ndoki ne wo. Yaag oo toox de betiro a den da mbaƭtaa begax of. Keene fop yaqanee

Esayi 29:15

«Sabab took no we na ƭasaa o Yaal oxe, ndax da laq yuuƥ ke den. A pi den no niɓaan a mbi’eel, too kaa da layaa yee: ‹An waagu o ga a in? Ndi an waagu o andid a in?›

A kim a tedu ke 94:7

soo a ndamtin ee: «O Yaal oxe ga’iran, Roog fee Yakoob andee teen tig.»

A kim a tedu ke 10:11

O soxodu xe kaa layaa no xeeñ um ee: «A ƭat Roog yongee teen. Kaa sing mukit um too naagee ga’aa dara.»

2 Maad we 21:16

Manaase a ɓaxa itam fo’oy no caambuur mayu boo Yeerusaleem a may fo fo’oy, fogreerna fo pakaad ke ta bakaadnoor’ina wiin we Yudaa, ye ta fi’na kaa faaxeerna na kid no Yaal oxe.

YEGIL MBAAX NE YEESU ne Lik a bindtuuna 11:50

Neene, fo’oy laa no duleer waa mbar’eena no mberaandoong adna xan a yen took wiin we ndiiki,

Heseki’el 8:17

A laamtaxam ee: «Wo fee o ƥiy no kiin, ndax ga’aa keene? Ndax kaa mbind Yudaa ndeyƭooxee no mbi’aa cednooxu ke da mbi’aa mene? Kaa da mayƭandtaa saax le ngiin fo’oy soo a ndefahin no tooñaxam. Den oo weene a mbaƭa a naaq ngeec no ñis den.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

A cangatin ale 32:5

Xeet fene kaa laawoox, o ndef xa ƥeem a jombata a den. Kaa mbuulnooraa ƭool, a ndef suk yaqooxu naa ngalafna.

A cangatin ale 31:29

Andaam o mat ee a cinj fa nqon es xan nu laawoox, ƭap a ƭat ale jooxuuma a nuun. No camaane ke na ngaraa xan sabab a song xa log nuun, yaam paaxeer ke nu mbi’kaa na kid no Yaal oxe, mbuuxnoortin ke xa ƥay nuun a njalna.»

Esayi 47:10

Kaa o hooloox’u kañaan of, layaa yee: ‹O leng ga’iraam.› O waag of fo o and of kaa mo’andong soo a ndiñong o lay ee: ‹Mi, jegiim o nand.›

A ƭomatax ake 1:5

Fañ we ten a njega ne mbugna, ñaañagadil we ten a ndef na jam, yaam ne o Yaal oxe a fi’uuna ƭomu, o ngar fo pakaad pagkatar ke ten. We nqawuuna a tañtañna mboƥ ne ten, da ndet no mbaƭ naa.

Habakuk 1:4

Kebil ke niwataand, a ƭat reefataand o ndus, soxodu we a ƥuraa jofu we, soo o cofel a naɗeel.

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›