Heseki’el 9:8 - NQAARIIT NE ROOG

⁸ Ye da nqawaa, too um yoq’u koƭong, yenaam, gung a lanq, soo falaloox ee: «Ey, o Yaal oxe na refkaa boo faw, ndax xan o saŋik yoqatin we Isra’el, yaa o ɓaxaa fuux of took Yeerusaleem?»

Heseki’el 9:8 Referans Kwoze

Heseki’el 11:13

Maaga, ye um jo’taa keene, Pelatiya fee o ƥiy Benaya a xona. Yenaam, gung a lanq soo falaloox ee: «Ey, o Yaal oxe na refkaa boo faw, ndax kaa o bug o saŋik yoqatin we Isra’el?»

Heseki’el 4:14

Layaam ee: «Cey, o Yaal oxe na refkaa boo faw, no kaa xotitna no ndeƥandoong es boo xaye, wootooxaam qoolaƭaru kuu refna, ñaamiim muumeen fa medu mbaat faa listeena, too a tegeƴ a qoolaƭaru mosee o ndok no don es.»

1 Caloori ke 21:16

Dawid a yoɗa a kid um, soo a ga malaaka fee reeƭna ndeer took fa lanq a woos laƥ um, a jagin Yeerusaleem. Maaga, Dawid fo maak we nderoox’ina xa saaku a ndalfooxa o ngung a lanq.

Yosuwe 7:6

Yosuwe a faara toki um, a gung a lanq mbaambir arka ne no Yaal oxe, a yipoox fo ut no xoox soo a yoq naaga boo no kirand naa. Maak we Isra’el itam a mbi’a leng kut ke.

A lim ale 14:5

Moyiis fa Aaroon a ndeɓooxa a lanq, a lup a tagid mbaambir Ii-isra’el we mbokatoor’ina maaga.

Yeremi 14:19

O Yaal oxe, ndax kaa o deɓ a Yudaa wol? Ndax kaa Siyoŋ a maasong ƴam? Xar taxu o gaañ a in boo i mbaagatee o mbod? Jam i yaakaaroogu, ndaa jegee dara kaa faaxna. Kaa i cungoogu mbodandel, ndaa diid soom refu meen.

Yeremi 14:13

Doonaam ee: «Ey, o Yaal oxe na refkaa boo faw, duleer we we layaa a den ee: ‹Xire dalkee a nuun, too biim jegkee me nuun, yaam jam fa miñu Roog a ci’kaa a nuun mene sax sax.› »

Yeremi 4:10

Maaga, xam lay ee: «Cey, o Yaal oxe na refkaa boo faw, naxaa xeet fene fa Yeerusaleem, ye layoona yee: ‹Xan nu njeg jam!› A soƥa fop koy, laƥ ne xe fandaa a in!»

Esdaraas 9:5

Na waxtu faa na sadax fee no kirand ne, sutooxaam na neewandax es soo inoox, maad o saqaa toki es fo sabadoor es paarooxu. Naagaam giriƥ gooknoox, letin xa ƥay es farna fo o Yaal oxe Roog es

A cangatin ale 9:18

«Cinj kaaga, deɓooxaam a lanq mbaambir no Yaal oxe soo yoqahin maaga boo ñaal qarɓeen nahik fo xa yeng den kaa ñaameeruuma, yeriim. Fi’aam keene yaam bakaad fee nu mbi’’ina. Kaa nu mbi’’u kaa faaxeerna na kid no Yaal oxe, mbuuxnoorin tigi.

A lim ale 16:4

Yaa Moyiis a nanna kaaga, a julxooxa.

Mberaand 18:23

Abraham a matiida, soo a lay ee: «Ndax xan o saŋkandoor o cofu fo o soxodu xe?

Heseki’el 7:8

Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.