Heseki’el 9:5 - NQAARIIT NE ROOG

⁵ Cinj kaaga, nanaam ta layaa lakas we yee: «Ndeefaamoo kam teeru fee soo nqaw! Ba a kid nuun a yirim too ba nu mbuus!

Heseki’el 9:5 Referans Kwoze

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 7:4

A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

Esayi 22:14

O Yaal oxe Hupna fop a yegnaxam ee tooñ neeke, nu mbaasankaand o ten muk boo yaa nu nqonkaa. Keene o Yaal oxe na refkaa boo faw Hupna fop a layu.

Esayi 5:9

Nanoodaam a qool qac xa ƭelem axeeke no Yaal oxe Hupna fop: «Mexe daaɓooxaa yee pind mayaan keene xan a yoq o ƥor. Kaam ee pind maak mosu keene xan a mbes a pec.

1 Maad we 18:40

Eliya a laya a den ee: «Ndamyo duleer we Baal boo ba o leng na den a daɗ.» Maaga, a ndama a den, den fop, soo Eliya a ɓis a den na ƈufnand alaa Qiison, a xirisnoor a den maaga.

1 Sami’el 9:15

Na faak faa, yaaga Sawul garafulee, o Yaal oxe a yegin’a a Sami’el ee:

A sutax ale 32:27

A laya a den ee: «Keeke o Yaal oxe refna Roog fee Isra’el a layu: ‹Fat oxuu refna a juux laƥ um no xool um. Nqaañyo no saŋe ne, njangit na carind boo na carind, mbaraa, ndetaa, ta ref o pog nuun mbaat xaariit nuun mbaat o kentand nuun.› »

Esayi 13:18

A qali ke den xan a luƈit mbes ke. Mbuuskee xa qeq axe too yirimkee xa caaƈ axe.»

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.